◎楊尚謀
 Chit-má m?是無路通行，咱會tàng koh寫狀紙非常上訴延緩執行，無的確政策會轉彎踅角，你就有活命ê機會，而且你「只是」44個其中ê彼個「1」&hellip&hellip
我細膩問你，hông選著ê「或然率」有外濟？你ê聲線ná蠓仔leh吼，應講：「4千4百分之1百。」
「為甚麼是100/4400，m?是1/44？」
你講，「按呢聽起來機率會感覺較少，4千拚40，免讀冊m?知！」
舊年新聞強強滾，熱炒法務部長王清峰t?慈悲心kap民怨扭大索ê比賽中目屎poé b?離來落台，新上任ê部長嗆講，欲依法行政，絕b?手軟。你ê手指頭微微á chhoah，雄狂放下掌中型電視機，the?h你收集規落冬ê「AV女優」尪仔簿，腳步浮浮行落便所傳宗接代。
數字t?九宮格正踅倒斡（oat）徙（soá）來徙去，是你平常時á ê消遣，tùi 0到9，會tàng組合出無限ê可能性，就親像前工我講著許瓦茲‧沙克ê 10維論，你講，扣掉咱住ê 4維，koh chhun 6維，照大樂透牌組就有04、06、46、10，n?是koh有2支得著頭獎，he就是有錢判生無錢判死ê「經驗法則」。
 
 
你講，透早恁78歲ê老爸t?會客窗前ná khâm咳嗽，ná講親友ê近況──明仔載愛the?h厝稅h??恁外甥，隔壁陳ê ê查某囝年底欲嫁&hellip&hellip。
T?電話嘟3聲欲結束通話進前，伊愛你?免煩惱，前幾工á tú賣ê唯一一塊祖公á屎，k?負債還了koh有chhun一寡，愛你想欲買甚麼四秀仔（sì-siù-á）、食物、日用品，儘量寫批h??伊，伊會等你轉去。
一pak真歹用言語形容ê稀微，t?咱心肝窟仔leh拋踅。其實，咱lóng真清楚，轉去ê機率差不多是0，kan-ta會tàng假堅強，要求親友m?通kh?g心底，講一寡連咱家己m?無法度相信ê好聽話，掩蓋彼個teh欲到位ê血光之災。
我問你，會驚無？
你指向枕頭邊ê聖經，kap貼滿眠床位邊牆á頂ê聖母馬利亞、釋迦牟尼、觀世音、關公、玄天上帝、地藏王&hellip&hellip等，諸神ê護貝相片講：「驚啥siâu！」我目睭chhî?著1道tùi你ê倒手手肚湠到手目ê傷痕，he是你昨暝khai半點鐘磨電池片á割生命線ê成果。
你真後悔為數字去「擄肉」，koh較懊惱ê是使用改造槍，上慘ê是神經線拍死結，按怎to想lóng無，肉票為甚麼會tháu開索á向你bà過來。彼時，銃籽像卡著歹物á，soah雄雄轉彎踅角，先彈入頭1個肉票ê胸坎，koh退出來貫入第2個ê太陽穴。種種因緣，親像尾蝶效應，hàm鼓ê劇情親像神話；到chit-má，你iáu是無法度接受行刑ê槍口以516分格慢動作phái?-chhèng-chhèng逼近ê結局。
 
 
我以老鳥ê khut勢k?你講，「盧正是t?暗時á hông拖出去ê。」（你淡薄chhoah ê腳花扭動腳鐐ê鐵鍊聲，親像電動ê馬力歐兄弟鑽落水管食大量ê金角á，鏗鏗鏘鏘。）
「假使真正旋b?離，愛記得chah耶穌聖像kap聖經，勻勻á行、沿路祈禱，kan-ta上帝會來引導你行向日思夜夢ê『烏托邦』。」
「明仔載，上好kap更生團契志工講清楚，簽器官同意捐贈文件ê喪葬補貼。」雄雄，房內ê空氣開始堅凍，咱隨人點一支薰，放鬆沉重ê氣氛。
若是根據物理學家薛丁格ê物理學證明，時間並無法度毀掉心靈，換另外一個角度來解說，m?管是甚麼物理攻擊，kan-ta會造成肉體本身ê傷害，對人類ê靈性本來就有ê「神」性來講，無法度有實質損害。所以，m?免k?放t?心內，chit-má m?是無路通行，咱會tàng koh寫狀紙非常上訴延緩執行，無的確政策會轉彎踅角，你就有機會，而且你「只是」44個其中ê彼個1。
你放下壓t?肩胛ê擔頭，吐出肺內重重重ê「尼古丁」。（假使生、死、有、無lóng註定好成定數，無的確就會使避免因為數字機率ê無確定性，來規工心驚手chhoah。衝突ê心理學。）
我大大力吸，解決指頭á ê薰ê生命，koh一擺問你，或然率是外濟？你黑仁射出劍光：「44分之1。若是照神性ê神通，就會使無限擴大到44億、柱（兆）&hellip&hellip，倚靠上帝，生就是愛死，死就是──重生。」
1/44只是sa b? tio?h ê高層博儌（poa?h- kiáu）ê輪盤物，你開始按呢認定。
 
 註： 祖公á屎：祖產。
 四秀仔：sì-siù-á，零食。。
 
