◎許隼夫
咱已經進入教會年曆ê「大齋節期」(Lent),有人稱做「四旬節」,就是耶穌受釘十字架前40日。近代教會koh提早幾日,對「撒灰節」(Ash Wednesday)開始。「灰」(hu)是燃燒ê結果,t?撒灰節ê時,牧師用指頭仔ùn灰t?信徒頭額頂畫十字架,象徵舊我死了、燒盡變火灰;歹行為結束了,我beh重新koh再開始做一個新人,過新生活。
大齋節期是基督教真重要ê節期,它是一個準備心ê節期,準備迎接主復活ê大氣力。教會kap信徒用反悔罪、禁食、靈修、祈禱來思念主耶穌。祂為著beh拯救世間人,為咱受苦難,受釘死t?十字架頂,流寶血來洗清咱ê罪,犧牲祂ê生命來贖回咱ê生命。
可惜,現代人愛享樂,無愛受苦,愛好額卻無愛thó-thàn。基督徒受世俗ê世界影響,也漸漸無愛守大齋節kap受難節,kan-ta愛慶祝復活節。這款ê觀念lóng是kap基督教ê信仰相對反。耶穌講:「T?世間lín有苦難;獨獨lín thang放心;我已經khah贏世間。」(約翰福音16章33節)保羅講:「你tio?h親像基督耶穌精練ê兵kap我受苦。」(提摩太後書2章3節)所以教會對古早就開始教導信徒用讀經、祈禱、默想、禁食靈修來準備心,更新信心kap靈性,準備kap耶穌基督做伙受苦難,也做伙復活得勝。
這個大齋節期準備心ê靈修,集中t?耶穌受難ê思考,耶穌教咱m?-thang逃避苦難,愛面對它,克服它,靠基督復活ê大氣力贏過它。親像保羅所講:「總是感謝上帝,伊h??咱對咱ê主耶穌基督得tio?h khah贏。」(哥林多前書15章57節)
用禁食靈修做例來講:禁食m? kan-ta是一種靈修ê形式,koh khah要緊ê是藉著這個靈修ê操練,來學習「受苦」ê屬靈功課,這是一種內在ê更新kap醫治。禁食並m?是長時間無食物件,按呢身體只會拍歹去;大齋節期ê禁食靈修,是愛咱放棄大食大飲,用短期禁食、長期節食來經驗主耶穌ê受苦,家己謙卑落來,chiah會感覺家己有需要上帝來充滿,來掌管咱ê心靈。有ê教會鼓勵人利用大齋節期ê靈修操練,放棄或是戒掉一寡不良習慣,象徵咱放捨家己(Self-denial),h??咱知咱真正ê挨餓是挨餓beh愛得著上帝ê靈充滿咱ê心。
所以,m?-thang只有肉體挨餓,是愛追求靈性食飽。禁食祈禱m?是beh標榜一個人ê靈性有jo?高,是beh「拚空家己」h??咱心中有空位來té上帝。不但thang食,koh愛食chhe?-chhau,食h飽。美國聖公會牧師Ann Fontaine t?大齋節期開始前,寫一首詩做信徒禁食靈修ê鼓勵,期待這也成做咱ê勉勵:
禁食貪心,愛食分享
禁食貧賤,愛食豐盛
禁食驚惶,愛食平安
禁食白賊,愛食真實
禁食閒話,愛食褒獎
禁食焦慮,愛食忍耐
禁食惡毒,愛食仁慈
禁食漠視,愛食參與
禁食不滿,愛食感恩
禁食攪吵,愛食安靜
禁食失志,愛食盼望
禁食怨恨,愛食愛疼