◎陳士彰
人生不如意ê代誌，是khah濟貓毛。重要ê是，當去tú著困境ê時陣，欲按怎去面對。
進入21世紀了後，世界逐個國家，lóng面對一個si?ng款ê問題，就是經濟ê大衰退。每一個國家ê政府，抑是領導者，lóng提出家己掠做上妥當ê政策，目的m? lóng si?ng款一個，就是救「經濟」。
T? chit擺經濟衰退ê災難，咱台灣m?無法度通閃避。見若tú著大大細細ê選舉，候選人開kah長l?-l? ê支票，所捧出來ê牛肉，濟濟lóng kap民生經濟有關。選民聽 了心花開，t?十分期待ê中間，票就給t?g落去。總是選舉了後，b?免得愛承受koh khah大ê失望kap痛苦。
國家經濟ê問題，影響著百姓ê日常生活。失業、負債、囝兒、婚姻等等，m?是kan-ta?影響著家庭若定，已經是造成整個社會ê問題。
2008年以來，因為tú著生活困苦，致使想b?開來自殺ê案件，是年年提升。舊年t?我服務ê學校，有一個學生ê家長，因為久長失業，生活b?得過，半暝仔趁囡仔leh睏，就開瓦斯k?全家毒死了了，實在使人感慨。
其實，人生會tú著ê問題，並m?是只有腹肚而已。養飼囝兒、尪某婚姻、事業工作、感情人際等等，無有一項是生活會thang避免ê。
當困境排t?眼前，政府kap社會無法度thang替你解決，家己猶koh想無步ê時陣，soà落去就是面皮激厚厚，四界拜託親人朋友，若無t?是問神卜卦。若是lóng想無步a，那親像「叫天m?應，叫地b?靈」，意志khah無堅強ê人，就有可能來解決一條寶貴ê性命。
揣求神明、相命改運，是一般人上介常看ê現象。唯（?i）一個人出世了後，生囝號名愛算八字、筆劃；到踏入棺材欲入土進前，m?是koh愛問神卜卦。差不多是對b?發生ê未來，一世人lóng teh煩惱不安。事實上，敢有影去問神卜卦，t?會h??人加khah好運？若是按呢，世間t?無有不幸ê代誌發生chiah著。
有一位朋友，30外年前交一個女朋友，已經論欲結婚，就去揣相命仙仔。想b?到兩人八字soah b?合，家長就強迫雙方分開。後來，我ê朋友kap另外一位小姐，因為八字足合來結婚，總是無jo?久就離婚。逐擺若tú著，看伊加減猶會數念永過彼段愛情，甚至後悔怨嘆。
我ch?細漢就相信耶穌基督ê福音，伊有拯救活命ê氣力，koh khah有賞賜逐項福氣kap平安ê能力。若是按呢，信耶穌ê人，敢to lóng b? tú著不幸ê代誌？絕對m?是！對細漢到今（ta?），所tú著ê問題，m?是khah濟貓毛。
我足愛保羅所寫ê一段經文：「一概莫得掛慮；獨獨萬事tio?h用祈禱懇求kap感謝，將lín所求ê排列t?上帝；就上帝ê平安，poâ?過一切人所想會到ê，beh t?基督耶穌保守lín ê心，lín ê念頭。」（腓立比4章6～7節）h??我不時學習用祈禱，勇敢去面對生活中大細項ê艱難，因為按呢，無koh有煩惱掛慮，反轉跤步安穩koh自在。
