 ◎吳仁瑟
2011年5月7號母親節ê前一日，一群紀貞艷老師ê親友、學生、同事聚集t?台南神學院ê禮拜堂，來歡送告別大家心目中ê媽媽kap朋友「紀老師」。美麗ê花蕊、好聽ê樂音、溫煦ê春風，親像伊ê笑容koh一pái充滿整個校園。
我t?出國讀冊前，有一段時間t?新樓音樂班任教，有機會kap伊ê學生、朋友同款，t?禧年館2樓度過真濟歡喜貼心ê日子。印象中，只要經過校園就會去k?伊打招呼，有時是伊t?外面ak花h??招起lih飲茶開講，t?伊sió-khoá kheh ê客廳，永遠充滿無仝ê學生、朋友伴。T? hia ?-tàng吐氣、分享，談天說地、快樂唱歌，諮詢koh得著幫助建議。我出國ê時，chah著伊親手所做ê被單、枕頭套；轉來南神校園ê時，第一個尋ê亦是伊。
會記得ta?k-pái ham伊t?校園行到宿舍，伊總是一面行一面撿mi?h-ki??，講chiah-ê lóng猶會用tit，學生稱伊是si?ng gâu廢物利用ê環保師。有一pái，開車載伊轉去看當時92歲ê老父紀牧師，他一人家己住，顧一個大園á；看著阮真歡喜問講：「聖詩你kah意tó一首？出在你kéng，我背h??你聽。」原來他退休了，就一日背一首詩來做靈修，亦s?n-soà預防老年癡呆症。彼日阮載一車ê果子、菜蔬，快樂t?g來到台南；lóng想kóng紀老師會kap伊ê老父仝款活真久，永遠作阮ê諮詢師朋友。
今年初，遇著一位幼稚園園長，講起紀老師當年怎樣h??一群吵鬧ê細漢囝仔ti?m落來，靜靜隨伊上課ê代誌；相信所有ê學生朋友聽著che lóng ?會心一笑：這就是紀老師！上帝所疼ê查某囝。
