【台語俗諺新眼光】一代娶矮某,三代出矮囝

◎陳士彰

 40外年前,我猶leh讀初中ê時陣,阮仝班有一位同學,生了足細漢lóng坐上頭前。逐擺若行tùi伊邊仔過,人lóng會k?伊ê頭殼挲一下,順soà koh k?講一句:「細漢ê!」無拍算讀到初三ê時陣,此位同學身懸soah抽到180外公分,是全班上介l?-跤,換做伊倒轉來k?阮挲頭殼叫:「細漢ê!」

DNA基因遺傳,t?近代ê醫學是非常時行。無論是人有關ê身軀骨骼、外貌 b?i、智能ê發展,甚至內在心理個性ê變化等等,lóng掠準kap遺傳學有相當ê關係。
今年教著五年級,有一位學生是一粒仔囝,同學k?號一個外號叫:「三年ê!」有一日,我k?講:「妳嘛食khah濟leh,khah g?u大漢,免h??人笑妳是三年ê。」伊k?我應講:「種b?i無法度啦!阮爸爸媽媽lóng生了細漢。」真正是「一代娶矮某,三代出矮kó?」仝款。
T?科技發達ê今仔日,人為著欲生出好種,想盡方法利用科技kap醫學,拍拚欲來改變基因ê遺傳。Chiâ?實h??你改變基因,生了骨骼粗勇、高chhi?ng大漢、飄撇緣投、智能發達等等,總是有一項ê基因遺傳,是科技kap醫學絕對無法度通改變,就是一字「死」!
人人lóng有一條命,不二過,肉體ê死猶是小可事,靈魂ê死chiah是嚴重ê代誌。所以,外在肉體ê DNA,品種改了koh khah讚,內在ê靈魂若無救,實在是上大ê遺憾!
M?若肉體ê死會遺傳,連靈魂ê死嘛有DNA。靈魂會死是因為「罪」ê緣故,保羅講:「罪惡ê報應是死亡」(羅馬書6章23節,紅皮聖經),因為「罪惡通過一個人進入來世間,親像án-ne,死亡也通過罪惡進入來世間。」(羅馬書5章12節)Chia所講ê「一個人」,就是leh指人類ê始祖亞當。聖經指出,「但是tùi亞當到摩西chit段期間,死亡控制全人類,連hiah-ê無親像亞當違反誡命來犯罪ê人也tio?h死。」(羅馬書5章14節)按呢講起來,靈魂死ê DNA嘛會遺傳。
自古早以來,人類因為驚「死」,所以一直leh搜揣「活」落去ê方法。無論是仙丹妙藥,抑是科技醫學,lóng無法度通h?? 一個人ê肉體,起死回生長生不老;修性養身做善事,抑是崇拜萬教,也無法度h?? 一個人ê靈魂,tùi死koh活起來。按呢,人類對未來生死ê問題,欲那koh有盼望?
佳哉!T?基督ê信仰內面,指示咱一條明確ê保障,就是「信(耶穌)來領受洗禮ê人,會得著救。」(馬可福音16章16節)
相信耶穌基督,m?若家己靈魂得著救,連靈魂ê DNA嘛會改變,這是一種祝福!
一般人m?若煩惱家己,嘛煩惱後代ê囝孫。揣求測字、相命、看風水,掠準一定得著盼望kap福氣,其實反轉是一種捆縛。聖經講:「Tio?h謹慎才b? h??人用人ê理論á是虛言ê詭計來迷惑lín。因為chiah-ê是tùi人ê傳統kap在宇宙中teh控制人ê邪神來ê,m?是tùi基督來ê。」(歌羅西書2章8節)
人類想欲改變肉體kap靈魂ê DNA,h??家己kap囝孫得著盼望祝福,唯一ê方法,就是回頭揣求基督耶穌ê信仰,koh行t?伊活命ê道路,因為聖經有應允:「疼我,守我誡命ê,我施恩h??伊,直到千代。」(出埃及記20章6節)
廣告/美好腳蹤368認購

我有話要說