◎陳士彰
以早有一位同事真愛跋kiáu，kiáu伴若teh相招，管th?i有閒無閒，穡頭放leh起跤t?行。平時若kap人開講，開喙合喙規下lóng是kiáu經，甚物十八豆仔、抾紅點、跋麻雀、四色牌等等，有條有段講kah喙角全波，聽了h??你叫是伊贏偌濟錢leh，siáng知是輸kah裼褲，連某囝也m?插（chhap）伊，上路尾嘛h?ng辭頭路。
雖罔kiáu跋kah變精，不二過，ch?ng到今，嘛m?-bat聽人講跋kiáu會好額，好親像俗語leh講「十跋九輸」。跋輸t?輸原在，贏kiáu ê時m?若愛吐出來請kiáu跤，順soà人爽身體勇，koh去花天酒地開了了。所以，無論跋贏跋輸，總講一句lóng是輸，按呢欲那會好額？
我有一個家長，尪仔某長年是我ê好朋友，3個囡仔lóng h??我教。以早t?菜市仔口，開一間10箍銀ê生理店，意思就是逐項物件lóng賣10箍。有時陣家己貪俗，嘛lóng會去伊ê店k?交關，順soà做家庭訪問。逐擺若t?店kap伊開講，看人客出出入入，生理好kah舞袂赴，尪仔某2個人喙笑kah離sai-sai，連我欲愛ê物件，嘛lóng m? k?我算錢。
起先掠準伊m?收錢，是欲k?老師烏紗（o?-se，賄賂）。後來，我k?講：「10箍銀to leh歹趁啊，koh m?算錢，以後to無愛來。」伊反轉哈哈大笑：「老師你是leh煩惱啥？你豈m?-bat聽人講『生理虎、生理虎』，生理人那（ná）虎，我比街仔彼間精品店ê頭家趁khah濟哩！」
漸漸chiah知影，chit位家長趁錢ê撇步。伊一台發財仔車thuh規台灣，四界去工廠揣有瑕疵ê物件，或是品管無通過ê產品；不二過，lóng猶新新足好用ê。伊m?是按件k?人割貨，是按規布袋頭家喝價數。算起來，一件ê本錢免kah 1箍銀。伊k?我講：「精品店ê頭家，物件貴som-som，賣一項趁無5成，koh無人欲去k?買；我賣10箍銀，俗kah那啥，總是趁9成外，人客koh搶欲買。」莫怪in尪仔某笑嗨嗨。
人想欲好額，m?是b?i代誌，總是愛用正當方式，koh愛有變竅。若是用無正當ê手段，親像用跋kiáu想欲來好額，koh h??你跋kah變精，嘛是無採工。
聖經舊約記載以撒ê囝雅各，用奸巧ê步數，瞞騙老爸與兄哥以掃，來得著大囝ê名分（創世記27章1～29節）。結局著愛孤身一人逃離故鄉，投倚阿舅拉班，閃避兄哥以掃ê報復。
咱若斟酌探討雅各ê一生，伊一擺利用瞞騙，反轉嘛h??人騙去；m?? 若親阿舅拉班k?騙婚姻（創世記29章15～30節），連囝兒嘛k?騙生死（創世記37章1～36節）。
不二過，t?雅各ê故事內底，有一暫（ch?m）h?? 我感覺put-liha趣味，就是描寫伊按怎變竅，h??家己變成發達好額（創世記30章25～43節）。聖經記載伊孤身一人離開故鄉，不二過，當伊欲倒轉去ê時，已經是非常好額ê人（創世記30章43節）。
無論kiáu精抑是生理虎，目的lóng是為著錢財。對信仰ê角度來看，基督徒想欲趁大錢，並m?是干單倚靠家己ê變竅，tio?h親像聖經所講ê：「你tio?h專心oá靠耶和華，m?-thang倚靠你家己ê gâu。T?你一切所行ê事lóng tio?h認伊，伊beh指點你ê路。」（箴言3章5～6節）
