◎ 顏信星
文化是一種ê生命，所以當兩個族群ê文化t?歷史ê時空中交會ê時，自然會互相吸引、互相影響。若是t?一塊土地頂高久長做伙徛起，伊就koh khah有機會結合成作一種新ê文化、新ê生命。台灣民謠中ê〈草蜢仔弄雞公〉，真有可能就是按呢孵出來ê漢化原住民民謠。
〈草蜢仔弄雞公〉這首歌，是用男女相褒ê方式唱出來ê，台灣民謠中有幾?首是這種歌，親像〈桃花過渡〉〈病子歌〉〈牛犁歌〉。相褒來吟歌詩，是台灣民間文化真特別、嘛真有味ê一環，上典型ê是山歌、採茶歌，它用男女相褒、一問一答來對唱，h??唱ê人一份趣味，一份鄉情。黃勁連先生t?伊編著ê《台灣褒歌》彼本冊ê「序」裡面甚至按呢講，「褒歌」是台灣ê「國風」，可見用褒歌來唸歌詩，是台灣民間文化彼欉大樹頭開出來一蕊不止仔?ê花蕊。
〈草蜢仔弄雞公〉這首民謠ê旋律，有真重ê原住民風格，歌詞是用一老一少、男女對話來寫ê，話中「詼諧」（khoe-hâi）式ê幽默，kap〈桃花過渡〉通講是雙生仔囝。除了族群ê心性、民情以外，對我來看，伊淡薄仔帶有「大事bo?使講，政治bo?插得」ê無奈殖民地生活所延伸出來ê吐氣文化。當然，含血ê歷史踏過無辜ê土地，的確會t?人ê心靈刻落oh得抹平ê傷痕；總是一個族群若是活了有自信，劣質ê文化內涵自然會漸漸褪色，優質ê文化生命力自然會步步提升。期待，深深teh期待，台灣人是一個愈活愈有自信ê族群。
用這款ê自信來唱〈草蜢仔弄雞公〉，無論你是khi? t?老ê彼旁（pêng），抑是少年ê此旁，你攏會唱kah真爽快，真有味。
