◎吳仁瑟
 Tâi-oân Hú-siâ? Kàu-h?e-pò 1885
光緒11年10月
 
大會ê紀錄
吳意講：──
我舊年去唐山看見幾若所在。Bat住在泉州過禮拜，有看見幾若項thang學。我代先有chiap-tio?h李牧師所設ê早禮拜，無親像唐山ê款。傳道理ê人聚集百姓祈禱，後來逐人the?h一本聖冊，看若有人無the?h就the?h h??伊，若m?，就勸伊bóng看；後來就教示in一點á-s?半點久。所以我得著教示；倒轉來山裡，就叫兄弟聚集親像hia ê款式；in攏歡喜逐禮拜得著利益。也著有法度thang知兄弟什麼人無來禮拜。傳道理ê人著bat兄弟ê名來去，知什麼人無來，thang對長老講。前年我t?阿猴，彼所在教會ê兄弟有人來買菜寄人ê厝，才來禮拜。我聽見就去尋in，h?? in見笑來認罪。
胡古講：──
這個6月t?木柵ê長老執事參詳每禮拜日早起ê 9點tio?h代先做早禮拜，來讀聖冊。逐教會ê當職ê著tàu相幫；傳道理ê人家己無法tit。In也是教會ê差用，m?是因為著錢，著歡喜來相幫。T? hia bat白話字ê人khah少帶聖冊，也m?聽傳道理ê人ê苦勸。巴牧師去木柵將beh入教ê名字記在siàu簿，託重我逐禮拜kap in聚集。總是無什麼進步，有ê推辭，有ê顧厝，有ê無來，ná久ná稀微；到牧師來問in，in無什麼話thang應。是一人無法tit。
Ông Hiân講：──
安息日兄弟得著利益是khah難tit，因為in無帶聖冊來，若親像看無要緊。傳道理ê有新舊約是無夠額用；逐所在ê教會著備辦便便thang h??人買。
吳雞母講：──
買新舊約到齊備是好；猶kú有ê m?-bat字。Tek-khak著備辦大張ê白話字母，tah t?拜堂裡h??眾人學。
劉茂清講：──
講道理以外，安息日iáu著讀幾若樣ê冊利益人；看是beh禮拜liáu讀，á-s?未禮拜先讀，逐禮拜照次序讀淡薄，h??人khah知道理，khah m?-ài làng禮拜，因為減一禮拜無去，就減聽一ch?m ê冊。若禮拜日頂、下晡二pái，kan-ta tiah兩位ê聖冊做題目來講，這是聽道理khah久ê人才會曉得聽，若是有tú-á來聽ê人，就無什麼會明所講ê。若是beh讀天路歷程、真福問答，kap ch?-ch?別樣ê外冊，就人快明也歡喜聽，也khah欣慕讀冊。論姊妹也著有bat白話字ê婦人lâng kap in讀，á-s?讀分in聽，也是不止有利益，因為有時少年ê姊妹t?禮拜堂，若beh問伊道理，伊也無什麼敢講，án-ni就m?知伊聽liáu會曉得á-b?，若有姊妹會讀冊分in聽，也是真好。兄弟永teh講，作生理ê人ài犯著安息日；親像7月13，14，15，12月27，28，29；以外猶kú有別個節日，若tú著此號ê節日是安息日，真oh-tit放拺，因為一年所盼望幾pái ê節日khah好賺，koh有時欠人ê錢，也是盼望此日所賺thang還人。也有兄弟辯駁講：「若安息日勿thang賣物，怎樣thang賣葯？」因為開藥店m?-n?咱，咱若勿得賣伊，伊就會過別間店去thiah，是安息日無賣葯也會做tit。（頁30，待續）
