◎李秀鑾
誠溫柔 ê 日頭
心肝 ê 燈火
對笑容飛出香味
欲笑毋笑 ê 面
兩片紅色 ê 秋天
Teh 飛
一季
短短 ê 三兩句話
就跳入，後出世 ê 計畫
光 kap 暗攏是恩典
Oat 頭看
上帝牽阮 ê 手
這個社會誠媠
每一朵花攏展示家己
ê 價值互人歡喜
靜靜 ê 朋友
誠有香味
入人 ê 心坐大位
上帝 ê 作為
項項好
破洞攏是因為人出手
上帝 ê 心天 ê 道理
遵趁 ê 路
戰甲 ê 朋友
吞 lún 開花
光彩結果子
上帝拭感動 ê 雨水
人生是一齣戲
看重看輕
上帝決定花開謝去
山 nih ê 百合花
比所羅門王 ê 衫卡貴氣
他 ê 清氣像上帝
上帝有算未了 ê 才調
阮有算未了 ê 美妙
香香沒變調
毋驚光 ê 人生
慢慢 a 開慢慢 a媠
這是禮物
