◎高英男
Hi?n此時sî-kiâ?講好話、食養生。聽講,一句好話,會改變一個人ê命運;若ke食蔬果,減食油臊(chho),m?若會改變體質,koh會當減碳救地球。Á生活leh?kiám-chhái道理仝款,m?著ài有正面ê觀念、健康ê態度,h??你ê心變khah有品質leh,t?生活上展現出有健康ê一面。 
有一個退休ê女老師,姓濮(Phok)。不管時看著伊,就是穿插真整齊,h??人看起來,真有精神、真清氣相。Tú-tio?há,就會吩咐花店去in兜k?換一盆á盆景,抑是插一盆鮮花chh?i客廳看súi。干單一個人住,thái著chiah-ni?h厚禮數?連花店ê頭家娘to giâu-gî。
濮老師講,伊會想欲佈置厝,是欲h??後生、查某囝轉來,會當看著媽媽住ê所在足sù-s?。為甚麼?因為你k?厝佈置kah真sù-s?,h?? in看著你ê生活真有次序,in就會感覺你家己有法度照顧家己,因為in所看著ê生活態度是健康ê,心內就b?有壓力,自然著會ti??-ti??想欲來chho?你。反轉,in真無簡單chiah有通來一cho?,若一見面to看你規ê人se?h神se?h神(無精打采),開喙合喙著哀艱苦,怨東怨西,串講一寡負面ê話,連一點á快樂to無。In看著按呢,就會真有壓力,感覺chhiah-ia?h、麻煩,一táu按呢、二táu按呢,就b? koh想欲chhi??-chhi??轉來ah!
頭一擺聽著有按呢si? ê看法,真趣味!不過,論真k?想想leh,koh不只á有道理。聖經講:「M?通激囝兒ê受氣,獨獨著用主ê警戒kap教訓來培養in。」(以弗所書6章4節)也就是灌輸正面ê觀念、健康ê態度!濮老師希望序細會當k?「轉來chho?媽媽」,當做是一件輕輕鬆鬆ê代誌,所以伊選擇用健康ê態度面對,h??人無壓力、b?感覺麻煩,一方面欲來培養序細有正面ê觀念,一方面m?欲製造氣氛h??序細有興趣koh轉來。伊賺有伴、做g?-ni?(消遣),逐工會當動頭殼,換新、換新,樂暢á樂暢過日,你好我i?好,逐ê lóng歡喜。
人kap人之間,若有正面ê能量釋放,會拍破外貌、肢體語言、聲音所產生ê隔閡(keh-he?k),m?若氣氛會無仝,連帶心情、情緒lóng會toèleh健康起來,無形中就會giú倚人ê距離。生活上,互相有良性ê溝通,有善意ê回應,m?-chiah有意思!總講一句,正面ê觀念,h??人無距離!伊所帶h??人ê,就是輕鬆,無壓力。T?-chia,提供咱此個真另類ê看法。