◎陳清俊
 今年有連連3禮拜日有大t?i-chì：4月24是復活節，5月初1是賓拉登受phah死；5月初8是母親節。我ài用母親ê心來看chit 3項事。
 
 
耶穌ê老母tùi聖神懷孕，就知伊所生chit-ê gín-á是kap其他ê 無siâng。當耶穌12歲，頭一pái到耶路撒冷，就h??伊ê父母操心到處chh?，因為節期過了，耶穌無kap in作伙t?g去加利利。伊iáu-kú chiú t?耶路撒冷。當父母t?聖殿chh? tio?h伊ê時，耶穌講：「Lín kiám m?知我應該t?我父ê厝？」若講khah phái?聽，就是無認父母做父母。總是耶穌ê老母，將chiah-ê話記t?心內，並無受氣。
後來耶穌30歲tùi厝裡出來傳揚上帝ê福音。當耶穌chho?伊ê幾個門徒做伙去赴婚姻ê宴會。忽然酒lim完lah。耶穌ê老母k?耶穌講in已經無酒lah。耶穌koh一pái對伊ê老母講：「婦人人，我ê時iáu未到。」用東方ê倫理道德來看，耶穌無尊敬伊ê老母。老母也是將chit-ê事kh?g t?心裡。Koh有一pái，耶穌ê老母去耶穌傳道理ê所在chh?伊，人k?耶穌講你ê老母來chh?你。耶穌講：「見若遵行父ê道理ê人，就是我ê老母，兄弟kap姊妹lah。」耶穌並無將伊ê老母來chh?伊ê事，看做si?ng重要ê事。反t?g是遵行上帝旨意ê事看做第一優先。伊ê老母也是將chit-ê事記tiâu t?心裡。伊知耶穌是特別ê，上帝是伊ê父，伊ê天父。
當耶穌傳道到第３年，伊已經向門徒表明欲行向耶路撒冷死亡ê路，亦koh講３日會koh活。耶穌ê門徒勸伊m?-thang去耶路撒冷赴死。當然耶穌ê老母馬利亞也知耶穌beh去耶路撒冷赴死，伊只是將耶穌講ê話kh?g t?心裡。雖然真m?甘耶穌ê離別，總是伊知這是耶穌ê使命。耶穌母親ê心就是將所有ê事lóng kh?g t?心裡。雖然耶穌對伊講離別ê話，伊也是án-ni h? t?心裡，並無擋伊m?-thang去。所以後來耶穌受釘死t?十字架，耶穌ê老母馬利亞也t?十字架下teh看，心悲傷。
因為耶穌有koh活，所以後來門徒就有復活節ê記念（koh有慶祝）。今年4月ê最後彼禮拜正是記念耶穌ê復活。
 
 
賓拉登t? 2001年9月11日以前ê幾禮拜，有去見伊ê老母，並k?伊ê老母辭別，講：「以後可能會有真久bo?-thang koh見面，甚至是永別ah。」伊ê老母是án-choá?反應我m?知。不過約10年後ê今年5月初，tùi電視傳來伊ê kiá? 死，真正是10年lóng無koh見面，是永別lah。10年等待見一面ê機會無lah。
Koh講有一個母親：T? 70年代，彭明敏t?台灣因為有起稿寫台灣自救宣言ê事，受判罪，後來受軟禁，koh有每日24小時ê監視。當有一pái伊去見伊ê老母k?伊講：「Chit-pái是最後一pái來見你，以後你tio?h家己保重。」伊ê老母想一下就對伊講：「Tio?h祈禱，tio?h有信心，相信上帝。」老母ê心知彭明敏ê痛苦，知伊tùi si?ng傑出ê青年，被政府改變做極大ê叛國犯，伊並無做甚麼m?-tio?h，來違背良心kap正義，只有掛慮台灣前途ê事，政府就認定伊是背叛，好佳哉，因為伊本人是國際出名ê學者，chiah免受死刑。伊ê老母ê意思是ài伊有信心，相信困難會過去，m?-thang做出傷害家己ê事。
1965年11月，彭明敏受特赦出獄，不過受到情治人員日月跟蹤；無久，t?美國傳教師秘密協助下，突破24小時ê監視kap封鎖，成功離開台灣到外國自由ê世界。這h??台灣人體驗tio?h國民政府也有封鎖失效ê時，增加cho?-cho?人tùi台灣ê前途ê注意kap勇氣。
經過beh 20年，到90年代，台灣廢除烏名單。彭先生差不多t?外國20年，才thang koh回到故鄉台灣。Hit時伊是m?是有koh見tio?h伊ê老母，我m?知；總是我知，tùi一個有信心ê老母，培養出一個有信心ê kiá?兒，因為伊ê正義kap行動，嘛h??台灣有今á日進步ê社會。
雖然siâng款有疼kiá? ê老母心，總是有ê會h??社會變phái?變亂，親像賓拉登；有ê會對社會、人類有大ê貢獻。Kiá?兒大漢bo? koh照老母ê心意，總是信心思想常常傳h?? kiá?到一生。
 
