母語佮國語

◎鄔宗明

咱今仔日佇本土教會以母語分類,約會當分做河洛系、客家系、原民系(閣分支系)。現今本土教會有遇著真嚴重的問題,是母語的流失,致到有時著用「國語」來做禮拜才會通,是各本土教會普遍的現象。因為「少年人」干單會曉「國語」,卻聽無也看無家己的母語。

有人講河洛話、客家話是有音無字,這是「國語」統治者挑故意貶低,侮辱河洛話、客家話母語。其實因攏有字有文,用古漢語寫出著會當讀出羅馬拼音。原民雖然無用漢字,不過會當用羅馬字拼出、寫出、讀出,問題是出佇各家庭父母&nbsp(勿會)曉趁囡仔細漢的時教因講母語,只教「國語」。

咱本土教會嘛荒廢,無用心利用主日學教細囝、青少年用母語。好好用母語漢字聖經做範本,來勤讀、勤寫母語漢字文,設使全台灣的本土教會,佇3、5年前著按呢來推動母語,哪會到今仔日有hiah呢多青少年人聽無、講&nbsp(勿會)出、寫&nbsp(勿會)出母語啊!所以,本土教會著佇本土語言推動,呣可貧憚推託。

講起「國語」,真多人毋知伊的起源對叨落來,原來是日治時代佇1930~1940年代,為著強化對台灣殖民統治,將台灣人加速變做日本皇民化,推動「?語?家」運動。全家若會曉講日本語,就佇門框頂釘一塊「?語?家」柴牌,是全家的光耀。

其實佇日本的本土上,卻無將日本語講是「國語」來稱呼!彼當時,聽講原民族真緊完成「?語?家」運動,一方面日本人用心,一方面原民族的南島語系與日本和族語系語音真近。國民黨佔領台灣,因有學著日本人殖民統治台灣的功夫,真緊就用「北京語」當「國語」,將母語當做方言壓制,欲用「國語」消滅台灣本土意識。

恁看,今仔日佇中國嘛無將北京語講做是「國語」,卻講北京話是普通話(common language)。所以佇1、20年前,台灣人去中國遇著人就問「你會講『國語』嗎?」對方愕然,問講您說什麼「狗語」?

有人講,學母語有什麼路用?今仔日全世界講「國語」(北京話)是13億(中國人數總數)──事實上有2億多人口講蒙古話、西藏話、廣東話、傜族話等&hellip&hellip。講台灣母語才有2000萬(2300萬減新住民300萬)。其實,若有了解全世界講河洛話、客家話佇中國沿海各地,東南亞、歐美各地華僑恐驚有超過3億人,原民南島語系統可能有4億。

佇英美語系為主的美國,存有西班牙、北京、廣東、客家、河洛、希伯來(猶太民族),佇美國若有人講美英語是「國語」,就有人講你是種族歧視。建議重視本土文化運動的台灣基督長老教會總會、各中會著趕緊喚起逐所在本土教會,徹底實施母語教育,毋免用比賽來應付,著用長時間有系統對幼兒、少年的時陣用卡通、尪仔畫冊(漫畫)、看圖講話。週報使用母語來編寫,教會統一使用母語漢字聖經(原民用標準各族聖經),信徒人人一本。

尚重要的,負責台灣文化傳播的《台灣教會公報》要有60~70%的母語版面,從此,河洛話、客家話、原民話、北京話編成《教會公報》,達成逐族文化充分的交流了解,達成上帝的信仰通行佇逐族,無閣分彼此!

(作者為七星中會大安教會會友)

&nbsp

廣告/聖經充滿我-經文填充本

我有話要說