【用母語感謝阿母】感謝妳,阿母!

109
Photo credit: be_khe / CC BY-NC

翁暄茗(永康國小六年級)

阿母真疼惜我,每一工攏照顧我,每一工攏煮飯予我食,伊真辛苦食頭路,辛苦趁錢,予我一ê美滿的家。阿母是一ê足媠的人,親像一蕊花。伊有時足歹,毋過我知影,伊是為我好。阿母對我真好,生日時,阿母送我一支手機仔做生日禮物,我真歡喜。伊定定chhōa我出去食好料,定定chhōa我出去買物件,會chhōa我去耍。伊嘛愛kah我tī厝內耍,我和阿母感情足好!阿母伊會教導我足chē代誌、教導我按怎做人、按怎好禮。阿母伊是一ê足巧的人!伊教導我足chē代誌、事物,伊是通世界足好、足好的媽媽。

鄭淳方(永康國小六年級)

我足細漢的時陣,常常踢被,我的阿母攏會起來替我蓋被,我的印象足清楚,因為he是阿母對我的愛,永遠bē放bē記得!我去學校的時陣,常常bē記得穿外套,攏是阿母提醒我愛穿外套,才bē寒–著!好佳哉有阿母佇咧!若無我就會常常破病!我去補習的時陣,常常bē記得chah冊,攏是阿母替我chah去,我chiah無予老師罵,真正足感謝阿母!我的阿母生甲足媠、足溫柔、足聰明!感謝我的老爸佮老母kā我生出來!予我感受著幸福的感覺,我以後會好好仔打拚,賺足多錢予老爸佮老母用,我會好好照顧我家己!恁免煩惱!阿爸佮阿母,感謝,我愛恁!

指導老師/蘇晏德

我有話要說