2017年9月23日早上，台南青年路上顯得特別綠意盎然，因為台灣教會公報社書房正透出一大片生機——寫作營講師王昭華分享自身在台語園地的耕耘，激勵學員走進自己荒蕪已久的台語園地，重拾開墾的心志！
（本專題相片提供／陳惠淑、陳逸凡、郭慧姿、劉曼肅）
◎王昭華（台文創作者）
有步寫有路
咱濟濟人台語 lóng 真 gâu 講，卻是一 ē 想 beh寫，筆 soah 頓 teⁿ，寫無路。
這是咱無機會受台語文讀寫 ê 教育所致，欠造就，失栽培。
台灣基督長老教會 ê 白話字傳統已經有百外冬，照講會友讀台語聖經 kap 寫白話字 ê 能力，應當 lóng 無問題 khah 著，實際情形 soah 是 àn-ne。這點真可惜。有想 beh 學寫台文 ê 朋友，白話字是隨身寶，也是必要 ê 基礎。
第一步：一定 ài 學白話字
漢字是「圖像思考」ê 文字，羅馬字（白話字）是掠音記音 ê 文字。先 kā 白話字學會，練 hō͘ 熟手，beh 記錄人講 ia̍h 是咱講 ê 話 ê 時，跤手 khah 會自在，khah bē tī「到底 tō 用佗一字漢字 chiah 著？」 ê 束縛 –nih 歹伸縮。
Beh 學白話字，khah 困難 ê 所在是聲調 ê 判斷，m̄ 知調符該標第幾聲。台語音 ê 本調 kap 變調真複雜。從細漢 lóng 講台語 ê 人，講話一定會曉變調，只是 知竟然有規則。beh 學白話字，上好也是有老師牽教，報名去上課。
第二步：知「教羅」kap「台羅」ê 差別
「教羅」，是教會羅馬字，也就是白話字（簡稱POJ）。「台羅」（TL）是台灣 ê 教育部頒訂 ê 「臺灣閩南語羅馬字拼音方案」，目前國小課本 kap 教育部 ê 文學獎，lóng 是用「台羅」，而且有一 ê 學習網（www.ntcu.edu.tw/tailo/）提供參考。
咱先學「教羅」ê 朋友免厭氣，「台羅」kap「教羅」差無 gōa 濟，主要是咱 ê 「ch」、「chh」，in 寫做「ts」、「tsh」；咱 ê 「o͘」，in 寫「oo」；咱鼻化音細細字 ê n 掛佇母音偏正爿 ê 頂面，in 寫做「nn」；另外就是「oe」kap「ue」，以及「eng」kap「ing」ê 分別。標調 ê 方式 lóng 仝款。
第三步：學「台語輸入法」練 phah 台語
鼓舞 ta̍k-ê 對白話字入門，主要是 koh 有另外一好：咱若 beh 用電腦 phah 台語，ài 會曉拆音、拼音。白話字會曉，拼音一定會；白話字phah有，beh 選漢字 mā 免驚無。對用電腦 ê 人來講，「信望愛台語客語輸入法（taigi.fhl.net/TaigiIME/）」真好用，請 ta̍k-ê 掠落來安 tī 家己 ê 電腦；另外，手機仔 mā 有 thang phah 台語，App tō 有「Lohankha」、「TAIGIME」、「Phah Tâi-gí」，chiâⁿ 利便。
音 phah 會出來，聲調 mā 正確，m̄-koh，若 beh hō͘ 出現漢字，ài 選佗一字？這 tō 進入下一步了。
第四步：文章骨力讀，辭典 tiāⁿ-tiāⁿ 查
初學者先對網路辭典開始，「台灣閩南語常用詞辭典」（twblg.dict.edu.tw/holodict_new/index.html）詞彙 lóng 有附音檔 thang 聽，欠點是「無常用」ê 詞無收，詞庫有限。Koh來 tō 是「台語線頂字典」（thepoj.com/TG/jitian/tgjt.asp），主頁 tō 有真清楚的使用說明。另外，一定ài向各位紹介 ê 是「台日大詞典台語譯本」
（taigi.fhl.net/dict/index.html），原書是日本時代日本人小川尚義編著，咱 tī 這當中 ē-tàng 抾著濟濟古早詞。
咱讀台語文章，tō 是 ài kā 唸出聲。若是 tú 開始字認無 siáⁿ 有，建議 ē-tàng 對「有聲冊」來吸收。推薦陳明仁的《拋荒 ê 故事》（前衛出版），有書面文字，對照阿仁唸讀 ê 聲音，某一 ê 詞、某一句話 ē-tàng 按怎寫？漢字可能用佗一字？沓沓仔認真對 leh 聽，tō 學會曉。《台文通訊BONG報》mā 有 bē 少選文掛 tī YouTube，歡迎chhōe 來聽、來讀。
基本 ê 台文讀會順了後，尾手去 chhōe 好 ê 文學作品來讀， àn-ne tō 著 –ah。
第五步：會寫盡量寫
「想 beh 寫 siáⁿ-mi̍h？……」這 ê 問題是咱 ài 心靜–lo̍h 來，ka-tī 問 ka-tī ê 問題，無人 ē-tàng 替咱回答– ê。
台文「寫作」、「創作」，台語 beh 寫會出來、寫會順，tī「文字化」這部分 tō ài 費真濟心神。書面語有才調掌握了後，頭殼內貯 ê 語言 koh 是另外一 ê 困境，無所不至 ê 「華語化」，致使咱 nā beh 寫台語，主要 ê 思考 soah lóng 變做 leh「翻譯」。Tī 這篇千二字 ê 後記，咱無法度探討這 ê 嚴肅 ê 大問題。
會寫盡量寫。有濟濟寫–lo̍h 去才會知影 ê 代誌，已經有友志 tī 路–nih。歡迎加入。
寫作營學員分享
續傳承，陪下一代學台語
◎陳佳佳
自細漢，父母教導我，我 ê 母語是「台語」，等我慢慢大漢，我想欲珍惜–ê 不只是「台語」，更加是「台灣 ê 生活方式」，tùi食衣住行育樂各方面來體驗kah學習。對我來講，這確實真困難，因為讀冊和工作 ê 環境攏用華語，我嘛無致意用台語和人對話，致到失去真濟練習 ê 機會。當我生囝了，我kah先生真要緊講台語。但是我 ê 口語實在 siuⁿ 兩光，為著囝仔有母語 ê 環境，我 tō 常常請教厝裡 ê 人，生活上 ê 台語應用，愈講就愈順，嘛看著囝仔用台語和大家互動，互我閣卡有信心操練。
佇此擺寫作營 ê課程，tùi怎樣適當表達母語，以及母語和台灣文化 ê 連結，攏是真趣味 ê 觀察。昭華老師舉例，現在真流行 ê 「草地音樂會」，內底 ê 「草地」kah 台語所講 ê 「草地」意思完全無仝。頭一個是坐佇草地上，第二個意思是「庄跤」，甚至有台語文學用「某人ê草地」，代表這是某人過身後埋葬ê所在。若是咱無致意，就會誤用這些詞。
昭華老師介紹三種台語辭典 ê 網站，互我有閣卡濟資源來學習運用台語。生活中，咱若常常致意用台語表達，台語就會進步真緊。真濟人聽著我用台語和囝仔開講，攏真好奇，我嘛真歡喜回應：「安呢囝仔才會當和阿公阿媽這輩–ê 溝通啊！」另外，我嘛真愛用姪女 ê 國小鄉土教材課文來和她對話，互她所學習–ê ，不是干單為著考試，是真正成作她 ê 思考方式，以及溝通 ê 工具。保留母語（台語kah手語）ê 心志，是我對自己成作台灣人 ê 認同方式，嘛多多用台語來思考聖經 ê 內涵。期待咱用閣卡濟 ê 鼓勵，陪伴下一代尋求 in ê 母語認同感。
寫作營，學寫台文的開始
◎鄭夙良
台灣教會公報社年年都舉辦寫作營，今年已經是第12屆了。每次的寫作營，我幾乎都有參加，除了冠心病開刀那段時間之外，可以說從來沒有缺席過。今年教會公報社又開辦寫作營，一看報名簡章，發現其中一場是學習台語寫作，我猶豫了。台灣話從出生至今講了79年半，「聽」根本不是問題，「講」台語當然也是很自然的事。只不過，要「讀」就沒有那麼快速，要「寫」更是艱難。
曾經有一個退休老師用台語文寫作，要我替他輸入電腦，結果我又是找字典、又學倉頡輸入，還是不行，後來還裝了造字軟體，學起造字來，又拆字、又拼字，把我這個三腳貓打字員搞得灰頭土臉，苦不堪言。
因此想到要用台語書寫，我就心存恐懼。《台灣教會公報》有一大版「台文世界」，內容都是用台文書寫，我會去讀，但是要我用台語書寫嗎？我怕時間不夠了，要是再年輕一些的話，我會去嘗試。
我的母語雖然是台語，但從小讀寫都用「國語」，後來電視各種節目整天用「國語」播放，所以我的華語講得很流利。想當年，剛搬來鹽埕的國民住宅新社區時，各方鄉親都來要與我認「同鄉」，問我來自哪一省分。但就算我華語講得再流利，還是不會影響講台語的「輪轉」，因為台語是我的母語啊，講一輩子了。
只是，後來開始使用電腦，尤其學會用新注音法打字，用ㄅㄆㄇ敲打不停，每天ㄅㄚ、ㄅㄧ地拼寫，幾年下來，整個思考的中央系統都轉化成華語系統了。每次跟人講話，特別是和年輕人講話，講沒幾句，就劈里啪啦地講起一整串華語。每當我和人講台語，發現對方一臉茫然，也會立刻轉成華語。在語言轉換之間，居然發現有的事用華語更容易表達。啊！連一個老台灣人都要被洗腦了，何況年輕人，從小成天與電腦、手機為伍，加上電視的各種節目，哪一樣不是以華語發音？當我外孫女還咿呀學語的時候，女兒交代我要跟她講台語，她說孩子上學時自然會講華語。結果她不到三歲，已經是滿口華語了。再這樣下去，台灣話應該會逐漸被取代而消失了。
今年，教會公報社的文字事奉學校，特別讓學員學習用台語書寫。長老教會一向注重本土文化的傳承，要保留文化需要文字為根本；要有文字，文化才能傳承下去，《台灣教會公報》保留一頁台語版，這麼用心，這是時代的使命，需要多一些人來參與。
我參加了台語場的寫作營，難得年輕的王昭華老師大學念的是中文系，畢業後從事編輯的工作，卻對台文寫作有熱誠，對台語的傳承有使命，光是這份心就值得拍手兼按讚了。課程中，她還自彈自唱創作曲，唱出台語八音──獅、虎、豹、鱉、猴、狗、象、鹿，生動有趣。我不禁想像，要是將這些動物做成動畫，配上生動的故事，一定更能吸引孩子的學習興趣。回想起兒時老爸搖頭晃腦地用台語背唐詩，背《出師表》那情景、那韻味很優雅，很美！
不是講華語、寫中文不好，而是多學習一種語言，就會多認識一種文化。我們都在學英語、日語等外語了，更應該把我們祖先的語言、文化傳承下去。我既然參加這次台文寫作營，我想我也該培養對台語書寫的興趣了。
來參與，學台語的起頭
◎陳惠珍
15年前的一個星期六上午，我曾在屏東基督教醫院大廳唱詩歌，學校同事王老師剛好正在掛號，不禁瞪大眼睛，納悶道：「那不是惠珍嗎？竟然唱台語詩歌！」
我成長於屏東空軍眷村，村內住戶大多來自中國大江南北，我的台語並不「輪轉」。不過，有人說我用台語自我介紹時，「陳惠珍」3個字很道地，我也一直把握可以接觸台語的機會。
我畢業於語文教育系，多年來每週持續接觸國小鄉土語言教學，喜歡接觸台語。以前我曾參加教會公報社主辦的巴克禮文字事奉學校，第6屆到第9屆我都沒有錯過，這一次看到有開設台語課程，我就報名從屏東來參加。
昭華老師聽到我與台語接觸的經驗，就鼓勵我要保持接觸。透過課程，我也體會到讓台語留下文字紀錄的重要性。經由其他學員的分享，我了解白話字的學習並沒有想像中那麼難，而羅馬拼音也正是我近日學習的功課。
此外，令我難忘的就是課程後，下午的印刷機導覽，方嵐亭社長教我們幾個學員使用油墨印刷，我印的是「平安」兩字。待油墨晾乾後，紛紛拿著印刷作品拍照留念，留下美好回憶。
台語寫有路 Tâi-gí Siá Ū Lō͘
◎Ngô͘ ka-bêng
台語若 ài 讀有路
白話字
Tio̍h 莫 chheⁿ 疏
台語若欲寫有路
白話字
Tio̍h 是撇步͘
6 ê 母音
17 ê 子音
台語 ê 基礎
咱鬥陣來呼
獅 虎 豹 鱉
猴 狗 象 鹿
台語 ê 動物
咱做伙照顧
百外冬 ê 跤步
Hiah-nī 遠 ê 路途
咱 tio̍h ài 覺悟
繼續
作台語文 ê 使徒
