重陽節

◎蘇晏德

九月初九重陽節
現代敬老添話題
長輩聚集展才藝
啥物出頭逐項會

九月初九是重陽
長者智慧愛發揚
疼惜序細人有量
是咱心中老英雄

九月初九敬長輩
祝咱序大食百歲
智慧善心攏加倍
身體健康走若飛

九月初九敬老人
莫予孤單守空房
出外活動人輕鬆
人生開始欲出帆

Káu-goe̍h chhe-káu Tiông-iông-cheh
Hiān-tāi kèng-nó͘ thiam ōe-tê
Tióng-pòe chū-chi̍p tián châi-gē
Siáⁿ-mi̍h chhut-thâu ta̍k-hāng ē

Káu-goe̍h chhe-káu sī Tiông-iông
Tióng-chiá tì-hūi ài hoat-iông
Thiàⁿ-sioh sī-sè lâng ū-liōng
Sī lán sim-tiong lāu eng-hiông

Káu-goe̍h chhe-káu kèng tióng-pòe
Chiok lán sī-tōa chia̍h pah-hòe
Tì-hūi siān-sim lóng ka-pōe
Sin-thé kiān-khong cháu ná poe

Káu-goe̍h chhe-káu kèng lāu-lâng
Mài hō͘ ko͘-toaⁿ chiú khang-pâng
Chhut-gōa oa̍h-tāng lâng khin-sang
Jîn-seng khai-sí beh chhut-phâng

廣告/聖經充滿我-經文填充本

我有話要說