◎蔡澄甫
拜讀《台灣教會公報》3406期台文世界版面林俊育兄大作，koh 再一遍對俊育兄 kap 憲國兄獻工台語 ê 精神 kap 成就，以及用「研究 kah 出版有主體性 koh 人人讀有 ê 台灣母語聖經譯本」值得讚賞 ê 工作主旨，表達感佩之意。
Koh 用「Tī Teh Leh」話題，引出教會 kap 社會用語 ê 差別；強調「輕聲」ê 重要性……。另外 mā 鼻 tih 一寡受忽略，細細 ê 大事件。
事關今後台語 ê 教育、學習、普及等工程 ê 進行；是行向目標一致順利進步？學派林立各爭山頭？抑是「普遍腔」統一台語？
講出真相是詬（k）人怨惹人嫌 ê 話題，有可能遭遇虎頭蜂圍攻 ê 場面，h 我規個月躊躇 敢動筆，因為我 -sī 台語權威，mā -sī 語言學家。最後 tī 疼惜（thiàⁿ-sioh）台語 ê 衝動下，請容允我用「大膽假設，小心求證」ê 科學精神來「拋玉引磚」。
用一碗「玉米濃湯」引出一塊（tè）有科學新知 ê「金磚」，換句話講：「Tī 輕鬆無壓力 ê 飲食氣氛中談論嚴肅 ê 課題」。
祝福嶄新「聖經台語譯本」，會開花 koh 會結真善美 ê 果子。Mā 期望：
1）落實工作主旨，出版有「主體性、人人讀有 ê 母語聖經」。
2）盡忠信實 tī 上帝話語 ê 編譯聖工。
3）聖經台語譯本成做台語經典之作，文雅通俗台語用字遣詞 ê 範本。
4）將金句本土化，成做諺俗語 ê 新血輪，提供社會人士愛用 ê 語料。
5）注意兼顧音系差異做「主體性、人人讀有、母語聖經」是三難。
6）注意隱形「粗辱鄙俗」俚語行話污染聖經。
考慮篇幅 kap 讀者耐心 ê 因素，我就 kā -bat 有人涉獵過 ê「異言」分割做八個單元闡釋，歡迎耐心詳細閱讀，作者誠心聽候批評指教，褒貶攏歡迎：
Q1.白話字有「輕聲 kap 輕聲符號」無？
Q2.台語教案有照「台灣台語三套半」因套施教無？
Q3.《白話字音韻學說帖》
Q4.「講 ê 台語變聲規則」有幾則？
Q5.「白話字聲類符號標示」ê 不成文規則是甚麼？
Q6.「台語有音就有字」敢已經落實？
Q7.Tī Teh Leh ê 根柢是「非漢元素台祖語」原貌？
Q8.為甚麼聖經選 tih 廈門音？
Q1.白話字有「輕聲」「輕聲符號」無？
答覆是：絕對無。
台語受漢化後納入《漢語九聲論˙聲類配置圖》ê 規範，遵循「九個聲類」ê「定義」kap「定位」。其中並無供給「輕聲」任何「義」kap「位」。
顯然，ùi 第一聲到第九聲，其中無一個聲類叫做輕聲，「聲類配置圖」內面 mā 無「輕聲」ê 空間。無「輕聲」，自然就無「輕聲符號」。
台語字韻選用《漢語九聲論˙聲類配置圖》中八個聲類，各音系「自主占聲定位」。因為音系自主，成做音系差異原因之一：
※鹿系八聲全取，第六聲是台語中孤行獨市 ê 逸品；
※廈門音系「棄六取七」，共七聲類，第六聲留白，無互相占位占岫（chiàm-siū）情事、第七、八聲分位固守無移，是九聲圖 ê 模範生；
※漳系棄六七，取六聲類。（八聲配置請參照第三單元Q3）
若 án-ni 「–」是甚麼符號呢？「 『–』是『起動反則變聲 ê 標誌符號』」，伊 ê 功能只有一項，kā 台語 ê 變聲 ùi 通常模式 ê「正則變聲」變做特例模式 ê「反則變聲」。請參照Q-4。
它是通知讀者，tī 「–」 ê 倒手旁彼一字本來需要變聲，taⁿ 免變聲，beh 變就變 「–」 後面 ê「拖尾字」，總是變第幾聲無明文規定，隨音系約定俗成 kap 情緒因素而定。
根據我無成熟 ê 實際體驗，現時普遍講法：「輕聲就是第三聲」，是無到精密 ê 講法，華僑朋友中就有「異聲」，用「好–啦！」做例：「好 la！」、「好 lá！」、「好 lā！」；「嚇（hehⁿ）驚人」中，驚人 ê 變聲：正則只有一式；反則有兩式 「kiaⁿ」 + 「làng」kap 「kiaⁿ」+「lâng」：所以所謂 ê「變輕聲」有可能是1,2,3,4,5,7聲。請參照Q-3《白話字音韻學》。
白話字中穿插單支「-」，抑是雙支「–」「聯綴符號 Hypen」ê 反對聲浪早就發生。有人認為雙聯綴號double-hyphen「–」是世界無 ê 敗筆，建議改做二樓起算術等號 ê 「=」，來取代平階起造 ê「–」。
論到「-.」 「..」 ê 出現 mā-sī 反對聲浪之一，-nā 單純取代「–」功能，koh kā 後字強制變第三聲，規氣 h 變做《輕聲符號》。所根據理由中，我有三點無相同 ê 看法。
1）汰廢解除「–」 ê 職務，用「-.」取代，koh 兼用做強制變第三聲「低降聲」ê「聲類符號」。是專為漳音系取第三聲「谷底低降聲」所設 ê 措施；島內音系，北語（華語 ê 輕聲如：的、了、嗎）kap 泉廈鹿系 lóng 取第四聲「中降聲」，所以無必要硬性規定取第三聲。而且藏tī 字行中 ê 「-.」無具備「顯明易辨」即時引起注意 ê 條件。
2）違反白話字聲類符號安置不成文慣例：「文字行無設聲類符號」。參照Q5。
3）講「–」tī 電腦文書處理軟體中會變做破折號「—」。此點 koh khah boē-tàng 做廢止 ê 理由。但使（nā-sái）重新設定 kāi（=kā-i 合韻）→進入Word系統；畫面頂畷（choā）檔案→選項→校訂→自動校正(A)→輸入時自動套用格式→自動格式設定，「解除「–」變「—」ê 委託」就使得。 （待續）
