社區公民教育認證

◎洪金猜

(鳳山社區大學,姚志龍指導)

教育部 社區認證
家庭教育 得傳承
阿公阿媽 囝孫情
代代相傳 香火盛

點 是社區的香煙
線 是大眾生活鏈
面 是社區小互連
體 是整體大串聯

全民教育 出世起
婚前學習 愛落實
親子日 佇四月四
自己節制 誠心起

家庭父母大功能
年老退休志工經
少年夫妻好品行
經驗分享日向前

長輩健康活力穩
蔭護社區眾兒孫
三代和睦道德存
老幼婦孺日日春

政府示範夯頭彩
全民教育上實在
社會問題有得解
四界行踏真自在

Kàu-io̍k-pō͘ siā-khu jim-chèng
Ka-têng kàu-io̍k tit thoân-sêng
A-kong a-má kiáⁿ-sun chêng
Tāi-tāi siong-thoân hiuⁿ-hóe sēng

Tiám sī siā-khu ê hiuⁿ-ian
Soàⁿ sī tāi-chiòng seng-oa̍h liān
Bīn sī siā-khu sió hō͘-liân
Thé sī chéng-thé tōa chhoàn-liân

Choân-bîn kàu-io̍k chhut-sì khí
Hun-chêng ha̍k-si̍p ài lo̍k-si̍t
Chhin-chú-ji̍t tī sì-goe̍h-sì
Chū-í chiat-chè sêng-sim khí

Ka-têng pē-bú tōa kong-lêng
Nî-lāu thè-hiu chì-kang keng
Siàu-liân hu-chhe hó phín-hēng
Keng-giām hun-hióng ji̍t hiòng chêng

Tióng-pòe kiān-khong oa̍h-le̍k ún
Ìm-hō͘ siā-khu chèng kiáⁿ-sun
Saⁿ-tāi hô-bo̍k tō-tek chûn
Ló-iū hū-jû ji̍t-ji̍t chhun

Chèng-hú sī-hoān giâ thâu-chhái
Choân-bîn kàu-io̍k siāng si̍t-chāi
Siā-hōe būn-tê iú tit kái
Sì-kè kiâⁿ-ta̍h chin chū-chāi

我有話要說