海 Hái

Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型,配合Firefox瀏覽器來讀

Chok-chiá: 李佳柔

海水色緻 透入心,
海湧推捒 共我淹。
水湧規律 若彈琴,
琴聲優美 媠樂音。

海翁泅水 藏水深,
鰭尾轉踅 身浮面。
海闊莽莽 色彩沉,
心靈開闊 醉沉浸。

海中生物 鹹水啉,
寄生仔沙埔 盤喙錦。
海翁海豬 大聲吟,
石龜生卵 粒粒金。

海風搧來 真寬心,
日頭光絲 金金金。
照射海面 熾熾金,
風情萬千 心歡欣。

Hái-ang siû-chúi chhàng-chúi chhim,
Kî-bóe tńg-se̍h sin phû-bīn.
Hái khoah-bóng-bóng sek-chhái tîm,
Sim-lêng khui-khoah chùi tîm-chìm.

Hái tiong seng-bu̍t kiâm chúi lim,
Kià-seng-á soa-po͘ poâⁿ-chhùi-gím.
Hái-ang hái-ti toā-siaⁿ gîm,
Chio̍h-ku seⁿ-nn̄g lia̍p lia̍p kim.

Hái-hong siàn–lâi chin khoan-sim,
Ji̍t-thâu kng-si kim-kim-kim.
Chiàu-siā hái-bīn sih-sih-kim,
Hong-chêng bān-chhian sim hoan-him.

我有話要說