【公報廣場】看電視,輕鬆歡喜學台語

(相片提供/Pixabay)

 mui-a

自公視台語台開播以來,我逐工暗時8點,準時坐佇客廳觀賞拜一到三的節目《全家有智慧》、拜四佮拜五的節目《話山話水話玲瓏》。

雖然自細漢我就會曉說台語,可惜學校無教台語文,我毋知影按怎用文字來表達,也袂曉讀台語冊。雖然網路有台語文和台語字典,但是貧憚去認真學習。有台語台了後,會使用輕鬆的方式慢慢學,我才真正接觸著台語文。我會使一方面輕鬆看亻因主持節目,一方面嘛輕鬆來學習,無壓力的學習。漸漸我對台語文有淡薄認捌,這馬我會使看台語文的小說和冊,真正愛感謝台語台。

拜一到三,《全家有智慧》兩位主持人笑詼佮活潑的主持,欣賞來賓臆答案、過五關提獎金,嘛學著按怎辨識真正的台語文,毋是火星文。閣認捌有關台灣的知識。拜四佮拜五的是《話山話水話玲瓏》,是非常趣味的節目,會使學台語文白音、濁音、鼻音佮真心適的台語詞。節目中鄭安住老師紹介誠濟台語俗語,伊的台語真正厲害。這個節目閣會使學著歌曲中的倒音問題,節目的最後是紹介台語詩,內容真正非常豐富。彭恰恰的主持功力有夠了不起,自頭到尾節目鬧熱滾滾,看了真歡喜,攏袂無聊。莫怪伊得著金鐘獎「上好主持人」五擺。

台語台好的節目會使看出製作單位非常用心,對推廣台語真正有幫助。若是想欲輕鬆學台語,我建議逐工攏看這兩个節目,沓沓仔你就會對台語文誠熟似。

會使用台語文來寫文章,予我感覺足有成就感,實在是足予人感動的代誌。 (作者為基督徒)

我有話要說