【公報廣場】遠兜 ê 救主 記烏俄戰爭一事 2022年3月23日 (相片提供/Pixabay) ◎歹銅舊鍚(台語文創作者) 這世界閣有咧聽阮 ê 聲無? 戰爭來 ah,阮會使去佗位? 過頭沉重 ê 炮聲共時間堅凍 崩倒 ê 牆壁記錄威權 ê 痟狂 閣有人 ê 冷淡 佇歷史 ê 斡角獨裁閣再大漢一寸 我干焦會使留幾逝詩 保留猶袂 hông 裂開 ê 自由 寶惜末日進前溫和 ê 黃昏 這世界閣有咧聽阮 ê 聲無? 凡勢擛手講再會 會改寫生存 ê 法則 無的確等到天星上尾一逝光化–去 才會有人看著阮 ê 哀傷 煞有可能會閣有救贖 ê 向望 廣告/手到心至抄寫本-箴言