◎Lîm Chùn-io̍k
2019 nî, Pak Bí-chiu Tâi-oân Kàu-hōe Hia̍p-hōe Sîn-ha̍k Gián-thó-hōe, tī Pak Î Chiu (Northern Virginia) Tâi-oân Ki-tok Kàu-hōe kí-hêng, goán khì chham-koan tī Washington D.C.
ê Sèng-keng Phok-bu̍t-koán (Museum of the Bible).
Chit keng phok-bu̍t-koán sī góa ìn-siōng siōng chhim-khek, koh sī siōng ū ì-gī ê; sú-iōng hiān-tāi iáⁿ-siōng im-hióng ê kho-ki, tián-sī Sèng-keng pōe-kéng, mā hō͘ lâng thé-giām Sèng-keng tùi jîn-lūi ê éng-hióng.
Góa teh siūⁿ, lán lóng ū “sim-lêng phok-bu̍t-koán”, lán tha̍k Sèng-keng ê sî, thang thàu-kòe sim-lêng ê phok-bu̍t-koán lâi thé-giām Siōng Chú beh tùi lán kóng ê ōe, chiâⁿ-chò tùi lán jîn-seng ê chí-chiam, oa̍h chhut “Siōng-chú Kok-tō͘” ê sin oa̍h-miā.
