【公報廣場】隔離——予李明哲

(相片提供/Pixabay)

◎歹銅舊鍚

共我放出來,自由就會來?
是啦,我重揣著我的影,伊閣再佮我纏綴作伙
五冬的分離,伊敢攏無變?有影無影?
伊穿迵我的肉體欲看清我的心智
過往的飄撇,過往自信的喙水
筋韌的信仰,樂觀的笑容
是按呢挵甲碎糊糊

影問我是毋是祖國下晶片追蹤?
聲模已經佇資料庫建檔
頭頂的天猶若狹櫼櫼的禁閉室
「上無現準有光矣」我真歹勢應伊
先來一碗思念的肉燥飯啦
設使欲監視,先位我的喙舌開始
影無要無意應有「我的人權咧」?
我斟酌看伊,
問伊是毋是袂慣勢自由的味?
世界是按怎搬演另一場隔離的戲齣?

(作者為台文創作者)

廣告/手到心至抄寫本-箴言

我有話要說