【台文世界】心肝仔血

Sim-koaⁿ-a huih

Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型,配合Firefox瀏覽器來讀

◎Tihtih-hû

Chit kù ōe sī goán lāu-bú kóng–ê.

I kóng chit kù ōe sī teh hêng-iông siáⁿ tāi-chì?

Lán kóng sim-koaⁿ pó-pòe sī teh kóng pó-pòe gín-á kap sī-sè.

I kóng sim-koaⁿ-a huih to̍h sī teh kóng cha-bó͘-lâng ê leng-chúi, chhī eⁿ-á ê leng ê leng-chúi. Leng-chúi to̍h leng-chúi, sī án-chóaⁿ ē piàn huih leh?

Nā beh chai, khì-khòaⁿ Discovery lí to̍h ē chai. He hîm-bó chhī hîm-á-kiáⁿ bô khì chhōe chia̍h-ê, kan-taⁿ ti̍t-ti̍t chhī leng, hîm-bú to̍h ti̍t-ti̍t sán khì. Lí kóng hîm-a-kiáⁿ sù–ê m̄-sī huih sī siáⁿ-mi̍h?

A lán jîn-lūi tong-jiân ē-sái khì chhōe chia̍h-ê, tān-sī tng lí tú-tio̍h bí-àng khang-khang hit-ê sî-chūn, ū chi̍t tǹg bô chi̍t tǹg, eⁿ-á te̍h khàu pak-tó͘-iau, lí to̍h chai lāu-bú ka-kī pak-tó͘-iau, iau kah ki-kū-kiò, beh ná ū leng-chúi chhī eⁿ-á?

Eⁿ-á khàu pak-tó͘-iau, lāu-bú chí-hó kā ni-thâu tu ho͘ eⁿ-á suh, eⁿ-á tian-tò koh-khah tōa-siaⁿ-háu. Sim-thâu chi̍t sng, lāu-bú kóng: Khip góa ê sim-koaⁿ-huih o͘.

我有話要說