◎陳士彰
坐t?我斜對面一位同事，已經懷孕7、8個月。有一日透早t?辦公室，看伊誠拍拚，提一本手指簿仔，giâ一枝筆足注神，那看那寫，喙koh m?知leh唸啥貨，目nih仔笑嗨嗨，目nih仔面憂憂。我感覺足好奇，偷偷k?看伊leh變啥蠓。
「喂！妳規早起是leh看啥碗糕？豈遐呢趣味？無m?借我鼻芳leh！」我看kah擋b?牢（ti?u），就開喙k?問。
伊面仔紅紅，歹勢歹勢應我：「無啥貨啦！我leh替阮查某囝選一個名。你參考看m?i，順soà替我鬥揀一個。」
我行過伊邊á，k?看彼本手指簿仔，規下寫kah滿滿lóng是名：「那hiah厚工，凊採揀一個，號號leh t?好啊！」
順手k?凊採點幾個名，此位老師看了soah哈哈大笑：「Chiah-ê lóng菜市仔名，m?好啦！」
「阿美仔、阿珍仔、阿淑仔，m? chiah菜市仔名；像che芸啦、綺啦、薰啦&hellip&hellip，聽起來m?是足文雅ê？！」
伊看我chiâ?無認同，就足正經講：「你看大部分學生ê名，lóng像你點ê此款，號彼種瓊瑤小說型，按呢豈無s?ng菜市仔名？」
我聽伊按呢講，感覺m?是有影，就另外koh k?點4、5個無仝款ê名：「這m? b? b?i 啊！」
伊看了又koh一直h?i?頭，面容憂憂講：「我m?是感覺b? b?i，總是阮媽媽提去h??相命仙看，伊講這個名 ê 筆劃m?著，對查某囡仔來講，一世人會帶衰。」
「妳chiâ?實有影信彼濟？」
「無法度啊，加減信寡無敗壞，而且序大人ê意思，m? b?使違背得。」伊soà接koh講：「像恁信耶穌ê，lóng免操煩chiah濟，誠好！」
對未信基督福音ê人來講，生囝進前，揣相命仙仔號名是不里濟。囝兒猶b?出世，就開始煩惱伊ê規世人；囡仔t?腹肚內，to猶b?歹命著，做父母ê心理t?先歹命。斟酌k?想看，家己對未來lóng無法度通按算，欲那有夠額ê氣力，煩惱囝兒規世人ê代誌？
馬太福音第6章25～34節，耶穌用空中ê飛鳥、山野ê百合花kap草做比喻，強調無必要為著未來ê生活操煩。對t?信主ê人，代先求上帝ê國kap旨意，連物質ê需要，天父lóng欲順soà h??咱。所以耶穌按呢勸人講：「毋通為著明仔載操煩；明仔載ê代誌明仔載chiah操煩。一日ê艱苦一日當。」（馬太福音6章34節）
其實聖經內底，m? 有記載4個人b?出世先號名，不二過lóng是上帝親自號ê。除了以實瑪利以外，其他像以撒、耶穌基督kap行洗禮ê約翰，號ê名lóng有特別ê意義，目的m?是為著家己，主要是為著上帝ê國kap旨意。親像以撒，有按呢寫：「我欲kap伊設立我ê約，做伊ê後裔永遠ê約。」（創世記17章19節）號做耶穌有按呢記載：「因為伊欲救伊ê子民脫離in ê罪。」（馬太福音1章21節）行洗禮約翰m?有按呢寫：「伊會h??真濟以色列ê囝孫歸向主。」（路加福音1章16節）
我ê大漢囝，是用彼得前書2章9節ê華語聖經：「你們是被揀選的族類，是有君尊的祭司，是聖潔的國度，是屬神的子民。」所以號做「君潔」；細漢查某囝，是用猶大書第1節ê華語：「在父神裡蒙愛、為耶穌基督保守ê人。」所以號做「君愛」。
有一擺，阮大漢ê k?阮尪仔某講，伊志願欲去做宣教師。阮細漢ê猶leh讀國中，人緣chiâ?好，伊koh會曉招全班一半ê同學，作伙報名欲去參加福音夏令營。看兩個囡仔，學習祭司ê功課，過聖潔ê生活，真正是上帝所疼ê兒女，阮滿心獻上感謝。
