 ◎陳慕真（台灣文學館助理研究員）
1947年ê 228事件，是台灣人集體ê苦痛，m?是台灣人集體ê民族記tî。若講「書寫」是一種自我記tî ê呈現kap建構，án-ne台灣作家用台語書寫228 ê文學，?-tàng講t?是透過母語書寫teh建構台灣人民族記tî ê過程。
《火煉的水晶──二二八台語文學展》t? 2010年228事件63週年ê時出版。這本由台灣文學藝術獨立聯盟編印ê冊，收錄22位台語作家ê文學作品，總共有26首現代詩kap 5篇小說，攏是以228事件成做文學主題，thang講是第1本由民間單位、台語作家合力編輯ê 228台語文學選集，真有歷史ê意義。
T?策展前言，編者提起，「228ê受難者，絕大多數攏是講台語ê台灣人，只有用台語才有法度深刻重現in受難ê聲音。」冊名號做「火煉」ê「水晶」，是因為「水晶透明真純，親像台灣人ê本質，水晶真濟切面，若像每篇參展ê作品，各別呈現整個事件無仝ê面向。」台灣人t?歷史上，經過一?一?外來殖民者ê統治，chit tè長期被殖民ê土地kap人民，經過歷史ê苦難，t?若親像火煉ê民族。歷史留落來 ê仇恨kap傷痕iáu-bo?好l?，總是，透過書寫，thang記念歷史、thang安慰心靈。
Ùi《火煉的水晶》?-tàng予咱看著台語作家對228事件ê紀錄kap詮釋。親像柯旗化ùi受難者家屬ê角度所寫ê〈母親的悲願〉、鄭雅怡ê〈黃菊花ê數念〉、黃勁連描寫花蓮張七郎婦仁人ê〈儂影伴孤單〉。對受難者疼thàng ê書寫：胡長松ê〈疼中的疼〉、陳秋白ê〈死難者〉、楊焜顯ê〈鼻舊相片的茶葉衝芳〉、呂美親ê〈菸紙：寫h??潘木枝醫師〉。對歷史事件ê整個紀錄：李魁賢ê〈二二八安魂曲〉、陳明仁ê〈1947寒冷ê春天組詩〉、李長青ê〈1947流離曲〉。
其中，m?有對228事件施暴者ê抗議、kháu-sé ê描寫：蔡德本ê〈佇國史館〉、陳坤崙ê〈布袋戲〉、蔣為文ê〈228〉、陳正雄ê〈湯德章紀念公園〉。
對228事件ê記念kap反思：陳金順ê〈霧〉、林沉默ê〈過橋──1991年觀二二八紀念活動感思〉、李勤岸ê〈228盛怒ê瓊花〉、葉衽傑ê〈上海ê二二八戰爭〉。Koh有作家家己對「228」長久以來成做禁忌，直到理解ê過程、感觸：林央敏ê〈聽著二二八〉、陳潔民ê〈二二八彼工〉。
台語詩以外，收錄宋澤萊、陳雷、胡長松ê小說。事實上，戰後90年代ê台語小說，雖然作家因為世代差異、成長背景、時代背景ê無kâng，所形成ê風格m?無kâng。總是，目前所看見ê，in ê創作主題真普遍性ê呈現出書寫台灣歷史ê共同面向。尤其是戰後初期ê 228事件kap白色恐怖ê時代氛圍，攏成做戰後台語小說家筆下共同關懷ê焦點。
台語作家透過民族母語，書寫台灣人歷史上ê 228事件，m?-n?將時代 ê 暗影、台灣人受扭曲、冤屈ê靈魂投射t?文學作品內底，呈顯出文學作品ê歷史意識kap人性關懷，koh khah大ê意義，是進一步用台灣人ê語言掌握咱家己ê歷史解釋權。另外一方面，t?歷史真相iáu-bo?明白，公理正義iáu-bo?值著實踐ê時刻，台語ê 228文學m? 安慰著台灣民族ê心靈：
 
咱著按怎算家己的日子？
總是我問，今仔日咁是彼個日子，
咱要夯手
向望天頂的爸赦免怹？
──hia直直毋願會失禮的人
〈疼中的疼──紀念二二八〉，胡長松
