◎李南衡
箠仔（chhê-á），是細枝竹枝，咱ê先民用箠當作教具，囡仔無聽話，竹箠仔就摔（si?u）落去，相當疼、皮膚頂面隨時會膨一l?ng，紅tiu-tiu。箠，引伸作拍、koh再引伸作教示。糜，是米穀用khah濟水煮爛爛，引伸作食物、koh再引伸作哺育。咱ê先民有真濟人相信「教」kah「育」，就是「亦著箠，亦著糜」（i? tio?h chhê, i? tio?h bê）。
雖然是按呢，猶原有真濟人無贊成拍囡仔，in認為有時竹箠仔夯出來比一下嚇驚囡仔、囡仔若有聽話就好，無一定tio?h起腳動手，k?囡仔拍kah哀哀號，囡仔才會聽話、才學會乖。反對動b?-tio?h就beh拍罵囡仔ê人講：囡仔「chia?p拍b?疼，chia?p罵b?驚。」甚至koh khah過分滾笑講：「定拍那拍拍，定罵那唱曲。」（ti?? phah ná phah phek, ti?? m? ná chhiù? khek.）。拍拍（phah phek）會使講是南管演唱演奏時ê指揮，華語叫作「打拍子」，所有ê樂器kah演唱者lóng tio?h照拍拍來進行演出。定定拍kah定定罵若變作習慣性，囡仔會慣勢成自然，k?拍kah罵當作日常生活ê一部分，一點仔lóng b?驚，按呢拍kah罵有啥物「教」ê意義咧？有人徛t?無必要拍囡仔ê立場講：「好囝m?免拍，歹囝無彩肉。」（hó kiá? m? bián phah, phái? kiá? bô chhái bah.）
30外年前，有朋友ùi台灣移民去美國了後結婚生囝，有一暗，社會局ê人來訪問in，講是厝邊有人拍電話去控告，講in厝裡下暗有人拍細漢囡仔拍kah哀哀叫，敢有chit號代誌？害in驚一tiô：t?台灣自細漢就hông拍慣勢，in翁某真有可能m?認為教育囡仔就是「亦著箠，亦著糜。」那會知影t?美國，連t?厝裡拍家己ê囡仔，也是犯法ê行為！我去美國拜訪in ê時，問我：「Che是啥世界？」我應講：「Che是尊重囡仔人權ê世界！」
講起30外年前，阮囡仔猶細漢讀國小ê時，對in我干單要求一項ni?-ni?：下課轉來，老師指定ê功課愛做了才會使出去thit-thô。囡仔問講：「是按怎？」我應講：「你功課若無做好，明仔載會h??老師拍。我自來m?-bat拍恁，恁h??老師拍，爸爸會真m?甘。」30外年前，hit陣台灣ê老師猶不止時行拍囡仔。
Chit 10外年來，台灣愈來愈重視人本教育，致使t?學校愈來愈少聽tio?h老師拍學生囡仔ê新聞；t?家庭m?那像愈來愈少父母拍囡仔。相信m?免幾年，m?-n? b? koh聽tio?h老師抑是父母拍囡仔ê報導，而且會愈來愈濟老師kah家長知影，耐心kah囡仔溝通、好好說明m?是一種「教」ê方法。
將來有一工，一陣老人teh講in囡仔時代ê教育方式是「亦著箠，亦著糜。」真有可能有少年家仔聽tio?h會問講：箠是啥？beh創啥？若說明h??聽，伊真有可能會koh khah驚惶講：「家庭暴力！校園暴力！那會使按呢？」
