◎育?
 想著少年時ê教會生活，心頭就溫暖；彼個時代ê物質生活雖bóng輸這個時陣thiám-thiám，總是心靈飽足，喜樂滿滿。
會記得有一遍，當時雙連教會ê陳溪圳牧師來阮教會k?青年團契培靈，第一句話就講：「TKC是台灣基督長老教會青年團契ê簡稱，m?是陳溪圳ê簡寫喔！」大家聽著就笑出來，也隨注神聽伊講。
續落去，陳牧師用約瑟ê一生k?阮勉勵，教阮tio?h親像約瑟一生擒住（khî?-tiâu）上帝；另外，伊也特別交代大家，若遇到誘惑ê時陣，tio?h用「我怎樣thang行此個大歹，來得罪上帝」這句話來提醒家己，h??家己thang保持聖潔ê活命。濟濟人聽著這些話，親像受感動，頭殼一直tìm b?息。
最後，陳牧師koh講一個故事：有1對夫婦，有3個查某囝，大ê嫁給讀冊人，第二ê嫁給討海人，細漢ê嫁作穡人。有1年，3個囝婿給丈人爸做生日。食飽了，大囝婿講：「咱來用字押韻作句，趣味一下！」就講：「由字頭thóng，甲字腳thóng，申字雙頭thóng。」
二囝婿聽了真著急，心內想講：「慘啊！魚蝦是識b?少，字卻識無濟！但是，輸人m?輸陣，輸陣就歹看面！Tio?h提出討海人ê勇氣，親像teh拋網相款。」就開喙講：「蝦仔頭thóng，魷魚腳thóng，龜鱉腳尾thóng。」講了，in某ê面隨顯出滿意ê笑容。
細漢囝婿看著安呢，實在真煩惱。伊是睛暝牛，kan-ta會曉giâ鋤頭掘菜園；所以伊心內t?想講：「鋤頭是有頭，但是欲用甚麼作腳呢？」忽然一陣風吹來，h??人感覺冷冷，soah h??伊想著厝裡一領細領棉被，就大聲喊講：「Kah腳頭thóng，kah頭腳thóng，kah腹肚頭腳thóng。」真正是「黑矸仔貯豆油，無tè看。」全家lóng拍手謳咾，si?ng歡喜ê是丈人爸，大聲笑講：「3個囝婿個個有頭腦，lóng是人才。」
陳牧師ê故事講到chia，阮團契ê契友，有ê已經笑kah東倒西歪，有ê笑kah大嘴開開開。這thang講是一個快樂ê培靈會。
隨著年歲漸漸大，b?記得ê代誌也漸漸濟；總是，這個超過半世紀以前t?青年團契培靈會聽著ê故事，猶原記kah清清楚楚！ 
 
