◎ 許隼夫
主復活h??人突破大禁忌
對古早到現代，世間人lóng驚死，所以有真濟追求「長生不老藥」ê神話流傳落來。雖然耶穌死有復活，但是一般人lóng看做是奇事，m?信耶穌復活，甚至lih這作迷信，是無科學ê代誌。總是，換一個角度來看，生kap死並m?是人會喘氣，ah是b?喘氣ê代誌。有ê人活了無意義，生活親像「行屍走肉」，ná像死去一樣。
聖經記載，耶穌基督受釘t?十字架頂死了，第3日對死人中復活，這是一個千真萬確ê代誌。伊留落一個空墓kap包布，伊kúi-n?-pái顯現h??信徒kap學生看，koh kap in講話。這個好消息，已經變做基督教信仰上重要ê福音。全世界有真濟人因為信耶穌做救主，改變in ê人生；使徒保羅用家己ê信心來做見證，講：「基督若b? bat復活，就阮所傳ê是空空，恁ê信也是空空&hellip&hellip。基督若b? bat復活，就恁ê信無chhái-kang，恁iáu-kú t?恁ê罪中。」
耶穌基督有復活，伊實實在在有復活！學生親目看見耶穌復活ê身軀，kap伊講話，也做伙食飯，in就對悲傷失望轉變做喜樂，也出力去傳復活ê福音，h??咱明白主復活改變人ê能力有jo?大。
這款改變ê力量親像1815年倫敦人民ê見證。彼工，旗號兵到溫徹斯特主教堂（Winchester Cathedral）ê頂樓，接收停t?遠遠ê戰艦拍來ê信號。當伊1字1字收著：「W-I-L-L-I-N-G-T-O-ND-E-F-E-A-T-E-D&hellip&hellip」（威靈頓受擊敗）ê時，大霧漸漸罩來，傳信被迫停止。倫敦人民知影「威靈頓將軍受擊敗」ê消息，lóng真失望傷心。隔轉工早起，信號兵才koh收到傳無了ê信號，原來信號意思是：「W-I-L-L-I-N-G-T-O-ND-E-F-E-A-T-E-DE-N-E-M-Y！」（威靈頓擊敗敵人了！）這時，倫敦全城ê人民大聲歡呼：「咱勝利啊！英國戰贏啊！」In ê 憂傷隨時變做歡喜。這tú-tú是主耶穌對死復活帶h??信徒喜樂ê心情。
基督復活ê好消息，是上帝通過這個奇妙ê事件賞賜能力h??世間人。H??凡n?信伊ê人，也會得著這個復活ê生命kap大能力。咱也因為信心來得tio?h生活ê大能力。這個大能力會贏過一切消極、失望、絕望、憂傷、痛苦、驚惶、恐怖、懷疑、不安ê心理，甚至黑暗、邪惡、不義ê權勢，h??信伊ê人，人生態度180度大改變，變成充滿積極、向上、希望、忍耐、安慰、平安、喜樂。
所以，復活ê道理不但是「人因信得永生」，也t?今生會得著復活ê能力，過得勝ê生活。基督教徒相信，人會享受永遠ê生命，這個永遠ê生命並m?是愛等死後chiah享受，是信主以後隨時就會當享受ê新生命。
主復活h??人突破大禁忌
我會來信耶穌，就是受這個改變生命kap生活ê福音所吸引。孔子講過：「未知生，焉知死」；保羅講：「所以人若tiàm t?基督，就是做新創造ê人，舊ê代誌已經過去，一切lóng變成新ê。」雅各也講：「信心kap行為愛相輔並行，信心是藉著行為來達到完全ê&hellip&hellip有信心無行為是死ê。」我欣賞基督教是一個現世koh實際ê信仰。我一生享受這個復活福音ê能力，也認真分享傳播這個大能力ê福音。下面是我個人有關復活ê生活經驗kap見證：
我讀神學ê時，有一段時間因為看tio?h周圍ê基督徒自私、自利、不公、不義，非常失望。又想tio?h我背祖背宗，無顧全家族ê強力反對來信耶穌，結果看tio?h基督徒也無比佛教徒khah好，一時想beh退學，又m?敢t?g去見父母kap親人，心內非常失望痛苦。好佳哉，有得tio?h黃彰輝牧師ê開導，伊指出：耶穌也是活t?一個真惡劣ê社會，伊本身有贏過hiah-ê艱難。耶穌做咱上好ê模範，伊復活ê福音會改變信伊ê人，也會改變全世界。咱受神學教育就是beh培養傳播這種改變人ê福音。黃牧師幫助我明白這個改變ê福音，我有得著安慰kap鼓勵。改變我ê想法kap態度，留落來繼續求學。  
另外，我是在鬼仔月（農曆7月）結婚，這是台灣人ê大禁忌，總是我kap太太相信復活ê主，阮無koh相信，m?無teh驚這款迷信ê事。厝邊頭尾為著這議論紛紛，真濟批評kap指責。阮去向阮ê父母說明，h?? in理解。K? in講：聖經有記載，上帝創造ê日子，每一日lóng是好日。農曆7月結婚除了「sio?k koh有kio?k」以外，逐項m? lóng真便宜，也破除迷信。阮結婚已經beh 45冬，逐日經驗著家庭婚姻美滿kap上帝賜福滿滿。
當牧師娘懷孕待產ê時，tú好阮愛搬厝，koh阮租ê厝是一間「畚箕厝」。一般人有khiàn-s?g（迷信），認為住這款厝ê人會liáu錢，親像畚箕poà-poà出去，無人愛住。阮搬入去就開始佈置，隔壁ê老阿婆過來k?我講，太太懷孕ê時釘鐵釘仔無吉利，會釘著胎兒ê身體，可能造成殘障。嬰仔出世，阮對病院抱轉來ê時，隔壁阿婆第一個來看。伊真tio?h驚，也真歡喜講：「好心好幸leh，許先生，嬰兒佳哉無án-choá?。」我k?伊應講：「O?-bah-sáng，阮信耶穌，無迷信，m?無khiàn-s?g。多謝您ê關心。」這項事不但改變阮ê人生觀念kap做代誌ê方法，也變做阮分享福音真有力ê故事。
咱相信，復活ê信心就是相信耶穌贏過一切黑暗、邪惡ê魔力。主欲賞賜你kap我有這款復活得勝ê能力，來活出新ê生命kap希望！這是咱信心最大ê保證。相信復活ê信心h??咱重新得tio?h氣力，也h??咱改變：黑暗變成光明；失望變成希望；怨恨變成仁慈；軟弱變成剛強；憂傷變成歡喜；懷疑變成信心；受苦變成忍耐；怨嘆變成感恩；邪惡變成良善；不義變成公義&hellip&hellip咱若活t?復活得勝ê能力中，咱ê一生自然就會充滿信心、積極、向上、向善、向美&hellip&hellip，也充滿喜樂kap平安。
 
