 ◎官不為
 
自10外年前開始研究台語語音學，發現台語語音不只有一般語言ê基本特色，上引起我趣味ê，就是伊ê「變音法則」kap「音程性」；配合著「八音聲」，h??咱ê台語t?聲調方面有真豐富ê「旋律性」，這款特性kap外國先進語言比起來，實在無khah輸。
10外年來，我就利用這款語音ê特性寫真濟詩詞、唸謠kap歌曲，作品愈濟，教材也就愈豐富，除了教學以外，平時有機會m? kap人分享。總是，當我整理教材ê時，一直感覺有美中不足ê所在；我想講，是按怎英語、日語ê教學lóng有編「字母歌」做教學ê補助教材？咱ê台語教學實在猶khah有這款需要。為著按呢，我就開始日思夜想；有一暗，雄雄「心血來潮」寫到天光，完成這首歌ê初稿。後來，t?松年大學ê台語文課來試唱，大概是真好唸ê款，大家學著真緊，而且，會曉唱這首歌了後，就隨認bat台語語音有伊ê基本「音素」kap「特性」，同時也建立「學台語由語音出發」ê正確觀念。
雖然有經過試唱kap修改，這首歌猶原有koh再調整ê空間，向望學界先進無嫌k?我糾正kap指教，h??這首歌koh khah完美，也h??伊會tàng t?台語教學ê頂面加一項幫贊。
.jpg)
 
