◎ 官不為
自細漢t?一直受「驚寒ê體質」所困擾，不時感冒是「家常便飯」。11冬前（60歲）ê秋天，雄雄下決心，想beh用「以毒攻毒」ê方法來破除年久月深ê症頭，就自當年秋天開始，決心「歸年thàng天」洗冷水，連燒水嘛m?去摸。不過，用講ê khah簡單，做起來chiah知影實在真困難，甚至半途幾若擺真想beh放棄。
勉強擋到冬天，有一日ê暗時，氣溫下降到6.5度C，除非無愛命，啥人beh「食飽換枵」，願意去做即款戇代誌？總是，想講lóng已經擋2、3個月矣，若放棄，前所累積ê成果kám m?是lóng白了去！？
當我行到浴間仔門口，歸身軀寒kah一直顫，連洗身軀ê念頭都顫到強beh無去，khi? t?浴間門口m?知beh按怎，只好一再鼓勵家己、恥笑家己，甚至罵家己無路用，講會到做b?到。就按呢，連soà 5擺t?浴間仔門內門外行出行入，最後chiah「心不甘情不願」威脅家己講：「m?敢洗t?甭出來！」就心肝頭搭搭leh，親像「大頭兵上戰場」仝款「拵辦死ê」、「拍死無退」。入去浴間仔了後，我就一面洗一面「大細聲喝」來壯膽，舞歸半晡，前後大約十外分鐘，一出來，身軀一搭紅一搭青，有夠悽慘；終其尾，完成了60年來上嚴酷ê自我挑戰。
隔日，我就將寒天穿ê衛生衣、膨紗衫kap一寡外套，lóng總款款leh送去h??路邊ê舊衫收集桶，因為想講既然冬天上寒ê「低溫考驗」都通過矣，驚寒ê心理嘛大大降低矣，所以寒天衫應該會使免穿矣。
逐年ê冬天，「洗冷水」lóng是一個大考驗，為著按呢就想一招「一兼二顧」ê辦法。因為平時我就有「練氣」ê習慣，就利用洗身軀ê時「ná洗ná灌氣」、「抗寒兼練功」，慣勢了後，寒天摸著冷水已經無koh有「起雞母皮」ê情形，甚至無意中碰著燒水，soah顛倒會感覺怪怪。我koh發現，若beh m?驚寒，兩支手上好不時保持冰冰，h??毛管孔合起來，因為照「熱漲冷縮」ê原理，「冷者縮，暖者鬆」，手ê毛管孔若開開，遇著一陣涼就容易感冒；koh再依自然法則，外體冷，內體自然就會產生熱能來平衡，所以洗冷水了後，身軀顛倒會燒烙。
一般人lóng驚「冷」，其實「冷」是物理ê，「寒」是心理ê，咱所驚ê是心理ê「寒」，並m?是物理ê「冷」。簡單講，就是要先克服心理障礙，下決心了後就緊去做，趁猶未siu?老，趁猶勇勇，「洗冷水」有好無bái。
「老身」逐日練氣洗冷水，精神好，免「食補」嘛免「藥補」，食蕃薯飯胃腸勇，免疫力自然就增強；特別是11年來m?-bat感冒，連家己都m?敢相信。「SARS」期間雖然小可會擔心，照「洗」嘛是無代誌，可見「寒」kap「感冒」並無直接ê關係。
「過來人」ê經驗談，應該有夠thang證明「洗冷水」真正是好處多多；俗語話講「食好鬥相報」，我t? chia將這好康ê代誌the?h來kap大家分享，經濟又實惠，何樂不為。若無想beh做病院ê「常客」，逐日過著健康快樂ê日子，奉勸各位好朋友，趁chín天氣熱熱開始訓練，到冬天寒冷ê時，「頭殼皮pe? h?? ân」，k?洗落去t?是啊！
