 ◎王昭華
日時，t?河邊，河心一隻船，往河口ê方向駛去。
船k?河水liô開，直直一巡，水分雙爿，雙爿湧一湧 （sak）過一湧， 來到岸邊，徛siu?倚ê人無小注意leh，有時會h?? chhèng著，b?輸去h??查某人ê裙尾phiat著。
我m?知影he àn船尾一巡一巡溢過來ê湧，咱台語欲按怎講。應該講，我連這?問題ê「問題意識」都無──敢m?是有「波」、有「浪」、有「湧」矣，抑是，像百 仔裙有抾 ê「 」？
一位前輩牽教，講彼叫做「ia?」。
「Ia?」，那會叫做「ia?」？為啥物號做「ia?」？&hellip&hellip這是我問kah一支柄嘛想無ê代誌。「Ia?」這?音真古錐，若像「嬰仔」（i?-a）黏起來ê，「i?（嬰）」、「a（仔）」，「ia?」，聽著足親。呂泉生作曲、盧雲生作詞ê〈搖嬰仔歌〉，歌詞「嬰仔嬰嬰睏」就是leh搖「i?a」；古老斯古ê「烏矸仔標驚風散」，出名ê廣告藥仔口白：「嬰仔著驚哞哞哮，吐奶疶（chhoah）青屎&hellip&hellip」，嘛是「i?a」，m? 是「e?-á」（「嬰仔」ê另外一種講法）。「i?a」ê「a」，是輕輕收起去ê第一聲，若第二聲沉落來，就會變「ì?-á」（燕子）ê 「á」去囉！
「Ia?」，我回想，想起t? 佗位bat聽過這?音。但彼時，並無料著伊會是一?名詞。
彼擺是t?澎湖媽宮茶嬸仔in兜客廳，茶嬸仔唱一塊褒歌：
海湧起波白ia?- ia?，六跤全鬚少年兄
就赴台灣趁較有，m?-thang踮厝半沉浮
這塊褒歌，我一直捎（sa）無「六跤全鬚」ê意思，茶嬸仔ê解說：「六跤全鬚，啊t?規仙人好好ê意思啦！」「Hâ?？」「規仙人好好，就是六跤全鬚啦！&hellip&hellip」──規仙人好好，那m?是「四肢」健全，按怎講「六跤」全鬚呢？敢講，是褲跤「搦（la?k）」起來，跤腿全全鬚？聽講鬼會驚人ê跤腿毛，「搦跤全鬚」ê少年兄，欲過海討趁，遇著風湧較平安啦（敢按呢？）&hellip&hellip
彼站仔，牢（tiâu） t?這?好笑ê問題，牢到尾仔才ùi朋友ê朋友遐得著開示：原來，「六跤全鬚」是人leh講蟋蟀仔，公ê，六支跤kap彼一對鬚生kah真完全，規隻好勢好勢ê勇將，放出去kap別隻相觸（tak）絕對猛ê！在這條歌詞內底，choâ?變成比喻ê手法，少年兄就kap六跤全鬚ê蟋蟀仔相像。仝這句詞，若唱「好跤好手少年兄」就規?消風去矣──蟋蟀仔ê戰鬥性攏無去，應當是有鼓勵涵意ê話，嘛變kah若leh共少年仔ge。當然，「就赴（   ）趁較有」，這?（   ）ê空格仔內欲填啥物地名，t?當今這?時代是誠歹講。
話koh講倒轉來，一直無去挖前一句ê「白ia?-ia?」，總是按呢想：彼可能就kap 噹噹（súi-tang-tang）ê「噹噹」、苦塊塊（khó?-teh-teh）ê「塊塊」、烏漉漉（o?-lok-lok）ê「漉漉」、碇鏗鏗（t?ng-khong-khong）ê「鏗鏗」&hellip&hellip仝國ê，窮究b?盡ê，精差t?「ia?-ia?」較罕leh聽啦。無想著講，「ia?」本身是一?獨立ê詞，m?是無代無誌kap人疊好耍ê。
俗語講「船過水無痕」，卻是，一隻船過，對有痕到無痕，這中間，一定是一巡過一巡ê「ia?」相連soà，華語叫做「漣漪」。
海湧起波浪，拍對海墘，激出白白白ê「ia?」。無業（失業／待業）ê少年兄，「宅」t?厝裡ê青春，tio?h赴哪裡去才b?沉浮啊&hellip&hellip。
