 真實ê感情kap記持
◎胡長松（台語詩人、小說家 )
我會寫台語作品大約是因為感情ê作用
T? 台語創作內面
我得著過去用北京語寫作m?-bat有ê滿足
感覺會使kap父母、族群、鄉土
ân-ân牽挽做伙ê滿足&hellip&hellip
開始改用台語寫作這十幾年，足濟朋友問我，是按怎改用台語寫作？In有ê人會煩惱我用台語寫作了後讀者會減少，m?過我煩惱ê並m?是讀者減少ê問題，我較煩惱ê是台語文化消失ê問題，是全世界可能會減一項多元文化資產ê問題。
聯合國教科文組織t? 2001年公布《世界文化多樣性宣言》（Universal Declaration on Cultural Diversity），傳達出「世界文化ê多樣性（多元性）是全人類共同ê資產」這個重要ê訊息。現此時，所有ê母語教育推動者kap母語文學ê創作者，lóng是為著這份共同ê資產leh拍拚：正面來講，是創作、推廣家己族群ê語言、文學作品，來h??這個世界ê文化更加豐富；反面來看，母語書寫，嘛時常是對反多元文化ê負面力量ê抵抗，彼種反多元ê負面力量，時常是ùi強勢、威權、既得利益 ê 一言堂邏輯產生ê。
一言堂邏輯，實際上就接近創世記第11章講著ê「巴別塔」，驕傲ê人類只有仝一款語言，in t?語文合一當中認為氣力甚至會使贏過上帝，in想欲造抵天ê「巴別塔」。T?聖經內面，上帝無歡喜人安呢做，因為安呢，祂h??人類四散t?全地，而且拍亂天下ê語言。「巴別塔」是一?人類完全失敗ê例，tùi聖經來看，上帝並無合意（kah-ì）人類t?語文合一內面驕傲，伊合意人類t? 多元ê眼界內面學習謙卑kap豐富；所以，咱通發現《世界文化多樣性宣言》kap聖經呼應，有福音ê基礎。
對大眾來講，這?對世界多元語言價值ê認知是真重要ê；不過，伊並m?是催sak我來寫母語ê尚主要ê原因（因為我開始寫台語ê時，對這?認知猶是一無所知）；我會寫台語作品，大約是因為感情ê作用。簡單講，我t?台語創作內面得著過去用北京語寫作m?-bat有ê滿足：感覺會使kap父母、族群、鄉土ân-ân牽挽做伙ê滿足。
比如講，我ê故鄉t?高雄內惟，這?所在過去出產芋尚出名。我足細漢ê時，我ê查某祖會用奶母車仔k?阮幾?橄欖孫（曾孫）sakleh，t?向時猶真庄跤ê田園小路四界踅。我猶會記，伊時常k?人講：「我遮ê孫是我ê寶pòe喔，我給in捧t?手裡，是芋葉leh捧（phâng）金珠呢！」彼句「芋葉leh捧金珠」，就是tùi落雨天芋葉盛雨ê美麗畫面結晶落來ê，內面有屬t?我ê鄉土kap親情，有我囡仔時ê記持，是我無法度用北京語百分之百表達出來ê，m?過，t?台語內面，我有機會給這?感情ê原汁保留落來，甚至後來，我寫一首詩叫做〈芋葉〉，成做這?畫面ê進一步發展，詩是按呢：
 
大雨了後，
金珠佇芋葉頂懸輦來輦去
 
查某祖坐佇
芋園邊的亭仔跤
講伊是芋葉
阮是伊芋葉捧的金珠
 
今雨已經停足久矣
芋葉嘛已經蔫（lian）去矣
Hia一粒一粒的金珠
猶閣佇我的目前輦來輦去
 
M?知你敢合意這首短詩？對我來講，這首詩雖然m?是大篇幅抑是表現傑出ê作品，m?過，金珠ê意象經過三層ê轉換，ùi尚開始ê雨水，到查某祖眼中ê孫仔，到最後t?時間作用之下，有kap作者目屎重疊ê暗示，表面簡單，卻代表我ê感情、記持kap我ê台語創作之間ê彼條線索，嘛代表彼?我無法度t?其他語言走揣著ê氣味kap空間，這，通h??我來提醒每一?人：母語，m?-n?是世界多元文化ê重要資產，母語，更加是每一?寫作者尚重要ê生命資產──只有經過伊，咱才有法度揣著真正ê故鄉。
向望你嘛來保惜家己ê母語。
向望你用母語來寫出咱真實ê感情kap記持。
