◎ 吳仁瑟
1885年是「教會報」ê第一冬，宣教師辦報ê目的kap方向，用啥麼方式編輯、銷售，koh彼冬有啥款ê消息，lóng是真使人好奇ê事。其中ê文章「論白話字ê利益」kap幾首詩作攏已經有人翻譯過，但是「教會消息」ê部分至今猶真少人翻譯，特別是當年占si?ng大篇幅ê「大會消息」。今利用機會k?翻出來，盼望thang h?? khah濟人知，1885年台灣（南部）教會ê情形kap當年發生ê事，幫贊咱koh一次思考台灣起初信仰、體制起步ê光景。特別是宣教師in所強調、注重ê不是外表ê好看，而是實質上ê信仰內涵，che t?現在猶原是真值得教會深思ê。趣味ê是，真濟當時教會ê問題，到今猶原仝款，實在是天下無新鮮事ah。
1885這冬，khah大ê事件是巴牧師t?二崙庄ê遭難，thang看出當時台灣人對「非我族類」者ê反應，官府ê態度，宣教師ê處理方式，信徒ê吞忍，以及最後大會是用奉獻來表達對這ê互相關懷。
當時宣教師除了大學（不限年齡）以外，亦積極籌備中學kap女學ê開辦，甚至小學ê設立（這冬ê重要議題之一），可見in ê目標是全民性ê教育。教會報亦tùi開始ê 2張4頁，第3期起增加到4張8頁。
1885年，《台灣府城教會報》除了「論白話字ê利益」徵文以外，佔si?ng-ch?版面ê是大會ê消息。6月開始第1期ê公報就發出開會通知kap時間、地點ê消息；7月第2期列出開會條規、預定ê程序內容等等；9月初，開會了t?第4期先將大會所定著ê幾項事公告：I.論小學；II.論逐所在ê教會tio?h家己出所費；III.祈禱ê日期；IV.論兄弟hioh（歇）拜堂；V.長老執事；10、11月第5、6期列出大會中主要ê各人發言議錄。大會議錄ê內容重點有：
拜四頂晡：怎樣h??教會興旺（頁25～28）
拜四下晡：安息日ê利益（頁28bb～31）
拜五下晡：各教會ê小學tio?h設á m?免（頁34～36）
拜五頂晡：怎樣出力tê銀ê部分省略記載。
大會其餘ê程序是：拜六頂晡出在人起來講；拜四、拜五兩暝ê-hng聽ta?k所在ê消息。拜六 ê-hng祈禱會。安息日下晡聖餐。安息日ê-hng聚集感謝上帝。
大體來講，「教育」是當時宣教ê重點事工，包括教會報（強調白話字ê利益）、中學（女校籌備中）、大學（各教會ê師資）、以及小學（主日學）ê成立問題等，thang講培育教會人材，教育全體信徒「百年樹人」，當年宣教師ê遠見，造就了今日ê台灣基督長老教會。
 
Tâi-oân Hú-siâ? Kàu-h?e-pò
第 一 張
光緒11年6月（1885年7月）
 
今年ê大會
舊年阮有議論beh大會；後來因為大法國攪擾百姓所以無聚集。今因為這個4月26日兩國有相和，百姓攏安靜，阮想今年tio?h有大會，所以請逐教會ê長老執事到今年9月初7日就是拜三來府城，t?拜四、拜五、拜六就是初8, 9, 10日聚集大會，照舊年ê單來議論代誌。
大會ê代先阮beh考傳道理ê人：in t?拜六?-hng就是初三日tio?h來府城。猶原是beh照舊年ê單。（頁3）
