 會曉讀白話字ê人，就會體會伊ê魔力，無論時間是外久、外長，逐時陣lóng會當聽見伊teh向人講話。
◎姚志龍
1885年《TÂI-OÂN HÚ-SIÂ? KÀU-H?E-PÒ》（《台灣府城教會報》）發刊，對台灣文字史ê影響真深，實在是歹計算。台灣t?白話字以前ê文字記載，大多數用漢字書寫、記音，除非bat漢字ê讀冊人，凡n?無讀過冊學仔（私塾）、無讀過漢字ê民眾，欲用台語讀所流傳落來ê詩文、歌謠、民間故事、七字仔歌仔冊，lóng有困難度。雖然台語文借漢字ê字音、字形、字義來表達，處處可見，但是漢語並無法度充分表達台語ê語音、詞意，甚至袂（b?）通順。佳哉，有白話字解決台語書寫、記音ê問題；會當講，有白話字了後，台語文無論寫抑是讀，就lóng順順順！
1969年，政府禁止《台灣教會公報》用白話字發行，獨尊漢語，這件事對台灣文字kap文化，是足大ê損失kap變遷。
2005年是教會公報創刊120週年，公報社將1885～2002年的公報出版做《台灣教會公報全覽》。其中，1969年前ê全冊lóng用白話字寫，完整記錄台灣百年來ê歷史變遷。當我有機會看著1961年第21卷彼冊，先父姚正道所寫〈猶太慣俗──偶像〉彼篇文章，我ê目睭忽然金起來，對文稿慢慢仔讀，心內真激動，ná親像過往ê親人，用我熟似（se?k-s?i）ê腔口，teh向（?g）我講話，陣陣酸kam甜仔、酸kam甜ê感覺，對心內一直浮出來。會曉（?-hiáu）讀白話字ê人，就會體會著文字ê魔力，無論時間是外久、外長，家父透過文字ê表達，伊猶（iáu）硩講話。啥人講台語有音無文字？是伊無深入了解ê緣故。
今年ê母親節，一位90歲ê林威成（Lîm Ui-sêng）老先生，透早手提（the?h）姚牧師早期著作12、13、14版《白話字教材》，來問我幾項白話字「聲母」ê問題&hellip&hellip。我特別請教伊，敢是（kám-s?）信徒？結果，是對台灣字有興趣ê老前輩，並m?是咱教會ê會友。伊講：「我早前bat去教會請教姚牧師，伊共（k?）你ê名kap住址寫t?冊nih，我才chho?有。」這件事h??我感觸真深；這款年紀ê鄉親序大（s?-to?）猶（iáu）對台灣文字──白話字，有這懸（koân）ê學習意願！林先生，你實在是咱台灣人ê模範；假使，大家n?親像你，會曉珍惜家己ê母語，t?世界nih咱一定會更加h??人敬重。母語t?現子時（hi?n-chú-sî）受強勢語言ê衝擊漸漸失味，上大ê原因是，真濟（ch?）人b?曉疼惜家己ê語言，甚至koh自我放棄。
台灣有濟濟款母語，流失ê情形卻h??人真憂心。教育部知影問題ê嚴重性，2001年開始t?國民小學推（chhui）sak母語教學，逐禮拜一節課，正式編入教育體制內；不過，因為m?是必修ê學分，教學ê成果就被限制。教學課程有母語課是好ê開始，卻是，面對日日快速衰退ê母語並無大ê幫助，這是推sak「母語運動」真可惜ê代誌。
1998年，正月12教育部公告「台灣閩南語音標系統」簡稱「台羅」。「台羅」kap教會羅馬字精差無濟，差不多是姊妹仔ê形體，這是經過濟濟語言學者、漢學專家，幾年來ê討論、妥協ê結果。大家lóng較會當接受、較符合、較接近現代語言學ê學理，，只是較無滿意用「閩南語」這個講法。2006年5月到2009年，教育部陸續公告3批「台灣閩南語推薦用字」lóng總700字，kap「卡拉ok正字表」，雖然無足滿意，台語總嘛已經有官版ê「公告用字」。
感謝我ê序大人，生活中lóng kap阮講台語；猶未入學，就叫阮姊弟仔（chiá-t?-á）去主日學讀白話字。老母不時嚴厲督促，背白話字ê字母、讀聖詩、呼聖經，禮拜日一定愛參加大禮拜，聽台語講道；chiah-ê工課（khang-khoè）聽來ná無啥貨，ná準是較（khah）熱心ê宗教行為。卻是，不知不覺中，增加真濟台語語料，講話ê語氣，自然會較雅氣。
語言學習，是人類學習過程上（si?ng）特色ê機能，父母t?囡仔細漢ê時陣，n?無用母語（祖語），當囡仔大漢後，才欲koh開始學習，就加足困難；尤其是腔口、語氣會kap在地人有差異。除非早就用2、3款語言插雜使用（多語言學習），想欲對單一?語系進入台語「聲調語言」，是相當無簡單。
母語是現代文明國家進步ê指標，是逐族群創作文學ê根基。當（tng）世界逐國lóng真拚勢（pià?-sì）teh保存家己ê語言ê時刻，咱m?-thang kap人倒péng，b?曉珍惜、b?愛使用母語。其實，bat愈濟語言、多語學習，對逐人一定有好ê幫助。總也，m?-thang為著欲學強勢語言、學外語，soah全盤來放棄母語啊！
那 teh 褪色 ê【台灣俗語話】
有人講：人是唯一屎放了會曉拭尻川ê動物。那像是講，放屎無拭尻川ê m?是人。用啥物來拭？永過是「就地取材」，親像永過美國南部草地人，用番麥稿（莖）抑是番麥芯來拭尻川，台灣南部庄腳有人用已經剝去皮、白色ê黃麻稿「麻骨仔」；住曠野ê人有用薄koh滑溜ê石頭；有人用柴片抑是竹仔削皮the?h去編器物，chhun落來白koh厚ê竹肉剖切作節修h?? iu-iu b?刺鑿tio?h皮肉，台語叫作「屎蓖」（sái-poe，漳州音讀作sái-pe），中國古冊叫作「廁籌」（華語）khah文雅。「廁籌」歷史誠久，至少有1000年，南唐李後主是一位虔誠ê佛教徒，親身為僧眾削「廁籌」，削了t? 家己ê嘴phé試看修磨了有夠iu，才交h??僧眾使用。有chiah呢hàm ê皇帝，國家那會b?滅亡、皇帝那會b? hông掠去leh！
台灣人罵人「放屎無拭尻川」(pàng sái bô chhit kha-chhng)，m?是真正罵伊放屎無拭尻川，是罵伊做代誌làu-chheh、無斬截、tio?h愛有人替伊收尾。
40年前，第一遍去印尼住一位華人朋友ê厝。入便所放屎了才發現便所內無衛生紙，chit聲代誌大條ah，大聲喝救人。朋友走來大笑講：「我tio?h知！」伊緊k?手中一包衛生紙交h??我。事後伊才解說，印尼人放屎無拭尻川。「啊？」朋友講，in是用左手hò?水洗，所以絕對b?使用左手the?h物件h??人。「那會chiah無衛生？」伊應講按呢上有衛生，印尼人無人生痔瘡。
30年前，我出差去日本toà上高級ê「新大谷」(Hotel New Otani)，奇怪，che是啥物便所？研究了後才知影，是放屎了無用衛生紙、是用水自動沖洗尻川，m?免用左手去洗。那有chit號好物件！看品牌，第二工拚去銀座ToTo展示店參觀比較，無管價數、無管偌重，隨時訂一套坐飛機載轉來台灣。讚，實在有夠讚！今仔日t?台灣已經相當普遍，品牌m?誠濟。將來無人拭尻川，t?台灣若講：「放屎無拭尻川」，可能是一種常識，並m?是罵人ê話。
「放屎無拭尻川」延伸ê意思，上出名ê人可能是馬英九。伊台北市長任內，上得意ê政績是「貓空纜車」kah「捷運柵湖線」，「貓纜」會停電、k?幾百個乘客吊t?半空中算是小事，嚴重ê是風颱帶來大雨，纜車柱仔邊ê土soah轆空1公尺外深，不得已tio?h暫停營業歸年維修補強；「捷運柵湖線」兩工停三遍，好天車廂內底m?會落小雨，講「柵湖」歹聽，改作「文湖線」m?是會跳電；艋舺龍山寺前商場拆掉重起地下商場，soah變作「蠓仔館」；車頭前設公車專用道，soah b?通；候車月台變作鎮路ê紅毛土台；台北人記tì ê「圓環」拆掉改建m?變作「蠓仔館」。你若罵馬英九市長「放屎無拭尻川」，有人會應你講：人伊當選總統呢！相信m?免偌久，「放屎無拭尻川」chit句話會無人講、會失傳。
在生財主，死後拉撒路
◎阿道仔
事了後（路加福音16章19～31節），問學生：「beh做拉撒路ê giâ手。」所有ê學生攏giâ手，kan-ta一個無giâ，老師問伊講：「是按怎你無giâ手？」「我在生beh做財主，死後做拉撒路。」
