【台文世界】肺炎改變世界

Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型,配合Firefox瀏覽器來讀

◎姚志龍

Hì-iām thoân-phiàn choân sè-kài
Khak-chín sí-sit sim pi-ai
Chi̍t lâng jiám pēⁿ chèng lâng siū hāi
Thoân lâi thoân khì chhiⁿ-chhám tāi

Ha̍k-hāu thêng khò bē-sái lâi
Siōng-pan piàn chò tī chhù lāi
Siā-hōe seng-oa̍h kái-piàn hêng-thài
Pēⁿ-chhn̂g kín-tiuⁿ mài loān-lâi

Lâng ê hō͘-tōng í-keng kái
Sī-sìn khui-hōe chò-hóe lâi
Bē-tiûⁿ si̍t miâ hō͘ chèng-hú chai
Nā m̄ chhiam-chù lóng bē-sái

Hui-ki ki-tiûⁿ thêng kui pâi
Iû-lûn m̄ káⁿ sái chhut hái
Lâng-kheh kiaⁿ kah bô lâng káⁿ lâi
Tōa chiah iû-lûn thoa khì thâi

Siā-kau hêng-thài í-keng kái
Chùn-lâm bí-lú tio̍h ēng chhai
Khai-káng chia̍h-pn̄g chē lâng bē-sái
Chhan-koán taⁿ tio̍h koaiⁿ kui pâi

E̍k-chêng tang-sî ē siau-kái
Bián kòa chhùi-am siāng chū-chāi
E̍k-biâu e̍k-biâu lí tio̍h kín lâi
Nā bô si̍t-chāi ū kàu hāi

廣告/美好腳蹤368認購

我有話要說