【少年新眼光台語版】仁愛是上gâu的恩賜

少年新眼光2021年7月7日

哥林多前書13:1-13

哥林多教會眾人有濟濟無仝的恩賜,卻也互相比並看啥人較gâu,總是,保羅講,上gâu的恩賜,是疼。疼的gâu是寬容、慈悲、kap 真理相及歡喜;包容一切,對一切有信心,對一切有向望,對一切有耐心。有疼,就無怨妒kap逐種歹事。

論人的罪性,無啥可能活出仁愛。不過,因為上帝佇受釘佇十字架頂的耶穌顯出的疼,互見若信祂的人較有可能活出這款的疼。黃彰輝(1914-1988)佇受日本、中國國民黨殖民政權中間產生「毋甘願」的神學,kap 林宗義、黃武東、宋泉盛做伙發起台灣人自覺運動,用基督的疼來支持台灣人民邁向自由、平等,「耶穌疼我,我知明」就是伊自小漢到大漢上佮意的聖詩 kap 信仰體會。
因為深知人的罪行與耶穌基督的疼,黃彰輝講,「上主毋但關懷教會與教會內的人,上主關心這個世界,因為上帝的神聖運動是上帝對自我kiâⁿ出」。咱通反省,咱若有仁愛,佇教會開逐種會議的時,參與者就無欲相爭權力、財富、名聲、地位去比並啥人khah gâu,反轉,會佇世間見證主的疼。

延伸閱讀:【少年新眼光台語版】


台文新眼光 TÂI-BÛN SIN GÁN-KONG

廣告/手到心至抄寫本-箴言

我有話要說