◎陳正吉(壽中屏山教會長老)
起初上帝造天地,生成萬物逐項會,
日月星辰攏顯明,日光暗冥照運行。
上帝捏土作人形,吹入活氣成靈性,  
給伊號名叫亞當,成作人類的祖公。
上帝使伊睏重眠,抽伊?下作夫人,  
夫人號名作夏娃,夏娃來和亞當住。  
 
樂園樹木真青翠,香花果子滿滿是,
好看好吃好 ,只有一叢善惡果。 
上帝特別有交代,獨獨這項你著知, 
毋通摸也毋通吃,若挽來吃就無命。  
魔鬼果然心無好,引誘夏娃吃禁果,
禁果好吃逗相報,亞當吃了心cho-cho。
 
日落西山起涼風,上帝出聲叫亞當 :
亞當夏娃避叨位,啥事無照我規矩。
兩人見笑知歹勢,赤身露體避樹下, 
用大樹葉遮身體,知影毋對又相推。
亞當講是夏娃害,夏娃講蛇不應該,
上帝受氣大詛咒,趕出樂園受苦楚。
 
蛇著行路用腹肚,夏娃生囝真艱苦,
亞當打拚極勞苦,種作拖磨顧腹肚。
這是人類的始祖,無照上帝的法度,
一句「無的確會死」,致到受迷得罪祂。
這事成作咱警誡,永遠刻牢咱心內, 
著照上帝法度行,後日才會入天城。 
 
(可用舊聖詩61首 或新聖詩20首吟唱)