 ◎顏信星
功夫若欲好，在本島
功夫若欲會，在本地
功夫若欲，t?看阮內面ê師傅頭！
這是我細漢ê時，t?廟口對遐ê雲遊四海ê拳頭師傅聽著上精采ê踏話頭，m?若講話ê時充滿自信，koh khah精采ê，就是t?踏話頭了後，賣膏藥進前，的確來一段真刀實料ê硬功夫。小弟今生有幸，bat親目看見鹿港施劍仙ê囝孫，t?賣in兜祖傳ê「吞劍藥」進前，表演一套「吞劍術」，一支劍對嘴吞入去腹肚內，然後m?知對tó位使一下力，劍噴上半空中，墜落來ê時，koh展一步「單手掠孤鳥」，擦擦咧收刀入鞘。
我m?是teh寫武俠小說，是感覺台灣人應該將此款自信──建立t?真功夫──建立t?ê文化頂高ê自信尋倒轉來，才bo?辜負上天白白h??咱一塊好ê土地，h??咱即呢ê父母話，嘛才bo? h??遐ê心中無台灣，干單靠一支糊lúi-lúi ê嘴ê政客，牽咧硞硞踅，踅kah一條老命去h??人賣去t? m?知。
古早ê台灣通講是一個廟口社會，廟口ê集結牽動生活ê命脈，t? hit-ê日出而作，日落而歇ê農業時代，無親像今仔日有電視通看，有KTV通s?g，日若暗，廟口ê夜市仔自然吸引大大細細ê腳步，t?遐，雲遊四海ê江湖客，有硬功夫ê，拍拳賣膏藥；無硬功夫ê，變把戲，唸歌詩，講故事來siâ?人客，除了推銷產品以外，in ê表演，嘛h??日時流汗、著磨ê人群，暫時敨（tháu）一下仔氣，度過一個輕鬆ê暗暝，koh khah寶貴ê，對in ê出手、出嘴無形中t?民間塑造，傳承一種帶有人情味ê生活文化，就是人及人ê做伙，m?是干單一字「利」若定，t?「交關」ê中間含有「人情留一線」「智識相交換」ê良性互動，此種難忘ê滋味對〈勸世歌〉此首古早「走唱者」ê嘴中寶，咱就會通深深鼻著，此首歌ê歌詞撿用真多ê台灣俗語，俗語是先人久年對真實ê生活中孵出來ê智慧，含有真寶貴ê人情義理，總是用講ê，少人欲聽，用唱ê，自然落腹，koh通過雲遊四海ê江湖客將伊帶到台灣ê逐個角落，嘛將伊代代流傳落去。
