◎王昭華
 《虱目仔ê滋味》是一本書，是我上合意（kah-ì）ê一部台語小說集，2006年熱天出版，內底總仔共7篇台語小說，作者筆名「清文」，用漢羅ê方式（漢字+羅馬字）書寫。
萬幸活t?一?人類歷史上上蓋厚「字」ê時代，逐工，對個人電腦kap印刷廠ê機器毋知製造出偌濟ê文字，囡仔人袂曾（b?-chêng）讀國校仔就開始認字，驚輸人輸代先；學校、圖書館kap欲倒欲倒ê冊店、出版社，不時辦活動推廣「閱讀」，提倡「好書大家讀」。市面上，chiah呢濟ê新書舊冊、chiah呢仔大ê文字量，百百種花貍哩貓各國文學作品──敢會當按呢講咧？攏是用華文寫ê（翻譯ê），專（全）是為華人來服務（夠幸福兮！）。借問：茫茫書海，敢有一本書，會當小來體貼、服務我一下？&hellip&hellip我，母語是H?-ló話ê中年女性，甘開300箍買一本冊ê消費者，真想欲看「好看」ê母語小說，題材愈普通愈好，會當好好仔將一?有意思ê故事講h??好，就好。
「好看！」──《虱目仔ê滋味》就是一本h??我會當按呢，看了向人?頭（tìm-thâu）肯定ê小說。
對母語是H?-ló話ê台灣人來講，濟濟人欲讀台語小說是有困難ê，就若像欲寫台文誠（chiâ?）困難仝款。聽、講、讀、寫這4項能力，咱一直干焦守t?半爿工夫（聽、講），無通下（h?）精神kap資源去開發另外半爿（讀、寫）。一般人若有閒工，寧可去學有路用ê外語，何況chit-má ê社會，大人、囡仔、少年ê，時間攏剁kah碎碎碎。如此光景，人kap書ê相遇，就和人kap人ê相遇仝款，欲會入心，需要非常ê愛情。
「好看！」──讀者必須自己備辦誠心（好奇心也可以），願意克服台文ê「歹看」，接納漢字、羅馬字組成文句ê款式，有耐性沓沓仔練目睭，練kah看會順、會入，漸漸跙落去小說中ê世界，才會領受著內容ê「好看」。（冊上頭前ê〈編輯說明〉kap〈白話字簡介〉，對「新手上路」不止仔有幫助）
《虱目仔ê滋味》按怎好看？我感覺我看著「純」ê台語，真滿足；毋過，家己隨有意識著這份「純」ê妄念，小說中敢毋是用真濟向日本話借來ê語詞（攏有附詳細ê註解），何「純」之有？我渴望kap誤解ê彼份「純」，斟酌k?檢驗，其實是無借華語詞、未受華語影響以前ê台語。彼階段ê台語，實在有夠活氣，足精采！阮遮êh??國民教育kap電視毒（th?u）kah透ê少年輩，根本綴（toè）袂著。進前，可能干焦有通t?布袋戲、歌仔戲、唸歌，去h??彼份語言ê「純」（「純」kah連日語借詞都無喔）電著；毋過，對透過語言牽連出來ê才子佳人忠孝節義實在厭si?n，對譀古（hàm-kó?）激詼諧嘛已經笑無啥會出來（該然是年歲ê關係），一直誠向望會當koh聽著、看著一寡啥物新ê物件，但是家己猶無彼?才情創造出來。
真歡喜《虱目仔ê滋味》h??我感受著一份「新」。無毋著，雄雄看，伊穿ê是一軀（su）舊衫，舊ê語言、舊時代ê人情世事，發生t?舊ê都市（高雄市、屏東市、台北市，毋是草地田庄ê鄉土情），但是伊確實是一軀舊布重裁、裁了誠合軀（ha?h-su）ê新衫──語言完全合內容，小說敘事合查某人實實在在ê心境──「合軀」上?！就算無著時，免對時行嘛有伊家己ê味，敢毋是？特別是t?眾人比大軀、比「漏」ê時代。「合軀」ê?，毋是欲h??外人看?ê niâ，第一要點是愛貼身、貼心，貼穿彼軀衫ê查某人自己ê身、心。
《虱目仔ê滋味》作者「清文」是一位女性，本名朱素枝，1959年t?高雄鹽埕埔出世，toà過監理所，做過貨櫃公司會計，有2?查某囝，1986年規家伙仔搬來台北中永和。1998年t?地下電台聽著阿仁（台文作家陳明仁）介紹家己ê新冊《A-chhûn》，才知影世界上竟然有用台語寫ê小說！自按呢，去報名參加台語文基礎班，後來就t?李江?台語文教基金會食專職ê頭路，是為著推sak台語，答答滴滴ê代誌攏恬恬窮（khêng，蒐集）來做ê重要人物。
今年熱天，koh一擺重讀素枝姊ê《虱目仔ê滋味》，心內猶原會按呢喝聲：「人這毋才是台語！啊妳寫彼是啥物？！」&hellip&hellip十二萬分希望各位攏會當交關一本，買來讀看覓，就知影「好看！」ê台文作品是啥物滋味！
