 ◎Logos
幼chí?歷過序大落難無意向
恩主聖旨意開cha?h門大水來沖
愛愛寮感念幼院狀況
將心比心丈姆欣賞 
「我將來大漢絕對無beh做牧師。」到底發生甚麼代誌呢？Tang時仔是洪牧師iáu細漢，老父洪萬成牧師牧養鳳山教會ê時ch?n，有一暗憲兵來質問：「恁教會ê壁頂thài ?寫『愛英美』？」是因為有一個日本牧師來台灣，到t?鳳山教會主持佈道會，題目叫「日本帝國主義kap基督教」，可能是反日份子tiàm壁頂寫chit 3字。對hit-tia?p開始，kui鳳山街足足半冬久，因為有關單位調查chit件代誌大大細細車跋péng；老父為著按呢tài病──肺癆，無法度繼續牧會，就倒t?g去彰化芳苑祖厝療養（當時許乃宣牧師t? hia牧會）。生活困難koh tú著戰爭，擔頭攏lo?h t?老母ê身上，厝裡會食得ê物件差不多攏h??帶病ê老父洪萬成牧師，老母也因為按呢營養不良，不幸目睭soah chhe?-mê。
到日本戰敗，宣教師koh倒轉來南神（日本時代停辦，暫時kap台灣神學院合併，戰後chiah koh復校），滿雄才牧師對國外chah t?g來ê捐獻先幫助身體欠安ê傳教者。其中託許乃宣牧師交h??洪萬成牧師，帶念翁某情份，洪萬成牧師竟然就chiah-ê錢用來照顧牧師娘，h??牧師娘ê目睭koh重現光明。哇！感動！感動！「娘子不便君上知，目暗絕境免掛礙，甘願無我寧捨身，百世情份深似海。」後來t?上帝美好ê引chho?，洪萬成牧師夫婦到t?台中病院靜養、治療，兩個身體koh恢復勇健。為著按呢，猶幼chí? ê伯宗做伙去toà t?救濟院，遇tio?h chit等號ê遭遇，難免有怨言：「上帝thài會hiah呢歹款待我？」所以chiah決意拒絕將來大漢做牧師。
總是上帝ê意思poâ?過人ê意思。20幾冬後，伯宗k?上帝祈禱：「主啊救我，?若留我ê活命，我beh獻做?ê路用。」Koh是發生甚麼代誌？當伯宗tùi師範畢業（1955，註）受派鳳山做老師ê歇熱，chho?一t?n青年去一個埤窟泅水，水門ê cha?h-á開一縫，不止gâu泅水ê伯宗，無拍算猶原h??水捲入去hit縫，沖落去10公尺深ê水底。T?危急ê瞬間，伯宗k?上帝求討；上帝奇妙ê保守，伯宗竟然平安無代誌。結果是親目看見chit件奇妙ê見證、做伙去泅水ê許斌碩（當時師大音樂系畢業，t?高雄中學教冊）受感動，代先伯宗獻身讀神學院。等候老師ê任期滿，伯宗真正照kap上帝所約束，獻身讀神學院。 
1965年神學院畢業，tú好是台灣基督長老教會百週年倍加運動（PKU），洪牧師受派台中中興教會，對無開始做開拓ê服事，就一直t? hia牧會頭尾21冬半；1987年受聘柳原教會牧會（chit期間兼任公報社社長半冬久），到2002年盡程退休（老父m?仝款bat t?柳原牧會）。退休了後有6年久，6遍ê機會（每遍3個月）去日本大阪台灣教會，1年用1個月t?澎湖離島虎井做短宣ê服事；也有2遍各2個月到t?美國波士頓kap辛辛那提短宣服事。
洪牧師台中柳原教會出身。親族內底獻身做傳道ê有：洪雅惠牧師娘、蔡炳火牧師、蕭明峰牧師、羅光作牧師（以上攏是門諾會）。林宗要牧師（大囝林元生長老、二囝林皙陽牧師──紐約；查某孫林珊宇牧師──拉斯維加斯）、陳祐陞牧師（公報社）、許宗光牧師（壽中高松）、翁啟恩牧師、洪耀森牧師、穆信智牧師（南方澳）、謝秀雄牧師。
洪牧師娘名叫施香，無教會背景，老父施乾（老母是日本人──清水照子）受賀川豐彥影響，t?艋舺創設收留流浪漢ê「愛愛寮」，所以施香牧師娘細漢有t?艋舺教會上主日學。兩人熟似是因為洪牧師參加「都市生活研究營」。當時南神黃彰輝院長特別邀請t?美國做社會運動ê勞工領袖George Todd來南神開職域傳道ê課──農村、勞工、視聽、都市等，也ta?k年舉辦chit個營會。參加ê學生暗時toà做伙，日時實際去經驗勞工ê生活──做土水、縛鐵á、釘pang模等。伯宗報名參加，也受派去「愛愛寮」實習，看著施香ê老母替身軀欠安ê流浪漢jiû身軀、換衫，想著細漢toà過救濟院，有所感慨，就tè伊落去做，清水照子看著chit個chiah可取ê少年家，soah kah意著，就揀起來做囝婿。Chit份緣嘛不止心適（sim-sek）。
 註：
因為厝裡無錢，ko?-put-chiong讀屏東師範學院，想講前途kan-ta到chia，因為koh khah gâu嘛是畢業了後受派做老師，若無本chiâ?伯宗是意向beh做外交官。無打算上帝用另外的方法成就他成做上帝國ê欽差。
