◎陳士彰
人一生ê運命攏無仝款，有人出世含金湯匙；有人出世是乞食命。好命底，靠父母免煩惱；歹命底，tio?h愛汗流滿面拚規世人。
自古早到今，社會無公平ê代誌滿四界。有背景ê，無論讀冊、揣頭路，抑是解決問題，寫一張字條仔，khà一通電話，就有人替你攢（chho?n）便便。無背景ê，闖kah頭殼大空細裂，目屎含落，嘛愛看人ê面色。所以古早人，若出世無背景ê，除非拍拚苦讀，找機會上京考試，才有出脫ê一日。若chiâ?實攏無法度，koh想欲h??囝兒有好ê將來，就是送去戲班學演戲。所以俗語講：「父母無聲勢，送囝去學戲。」
現今ê社會嘛是仝款，免講siu?過遠，咱看教育界ê生態t?好。囡仔受教育ê機會，照規定是應該攏平等ê。教育機關有嚴嚴規定，袂使（b?-sái）替家長安排揣（chho?）名師，koh khah袂使t?學校內底，編好歹班級ê分別。騙痟ê！家長委員抑是民意代表，只要一通電話，in ê囝兒在穩t?彼班好班ê。Koh你t?中學凊採問一個學生，伊免想t?給你回答，tó一班是升學班，tó一班是放牛食草ê。
想欲h??囝兒將來有好出脫，是父母通常ê心理。除了平時t?學校，受正常ê教育以外，下課了後，koh送去安親班、補習班。若想欲khah有成就leh，甚至送去才藝班，學跳舞、彈琴、畫圖等等，無所不至。
論真講起來，生活khah量ê家庭，才有法度h??囡仔學東學西。若講著khah散赤ê家庭，青食to無ah，koh有通曝乾？！父母為著三頓，平時拚kah欲死去，囡仔下課無人顧，招伴四界去駱駝（遛蕩），20箍th?ng好t?網咖，耍kah半暝koh走袂開跤。
歹命囡仔若欲有好出脫，的確愛比人khah拍拚。總是khah有機會學才藝ê囡仔，將來敢chiâ?實一定有成就？換一句話來講，無論你tùi細漢偌呢認真拍拚，抑是學偌濟技巧才調，準講h??你有一日成功出名，敢一定是幸福快樂？聖經傳道書ê作者按呢講：「我看我ê手所做一切ê工，以及我所著磨ê勞碌；看ah，這lóng是空虛，lóng是掠風，t?日光ê下面lóng無利益。」（傳道書2章11節）
一般社會ê價值觀念，通常攏重視t?名利富貴。所以h??囡仔讀khah濟冊，學khah濟才藝，目的也攏是為著將來。總是t?猶太人ê社會，價值觀念猶koh無仝款。
T?舊約摩西ê時代，tùi囡仔ê時代，就規定父母愛（ài）負起責任，教示囝兒認bat上帝ê律法。甚至到12歲ê時陣，愛chho?去會堂，接受經學士ê考試。若是考袂通過，表示父母無認真教，應該愛受處罰。
Tùi細漢開始認bat真理活命ê話，比學習其他ê才調koh khah要緊，che就是猶太人亡國2000年，koh會通復國，上kài主要ê原因。
去過濟濟教會，看著大人禮拜一兩百人，青少年團契、主日學學生soah攏chiah十外個。聽講是平時讀冊siu?艱苦，利用禮拜日t?厝好好睏一下。嗐！頭殼毋知咧想啥？
傳道書有一句話，會通提醒咱做示大人，koh鼓勵咱ê囝兒：「你tio?h t?少年ê日，記念創造你ê主，就是患難ê日iáu未到，也你所講，我無thang t?伊快樂，hiah-ê年iáu未近ê時。」（傳道書12章1節）
