◎吳仁瑟
Tâi-oân Hú-siâ? Kàu-h?e-pò 1885
第 5 張
光緒11年10月
 
大會ê紀錄
拜四下晡3點鐘大會koh聚集,猶原t?女學ê學廳;甘牧師做會正,吟詩,祈禱,讀馬可2:23-28,約翰20:19就講:──
咱下晡所beh議論真正是要緊,kap教會得著興旺不止有干涉。講起這個守安息日ê事也是tú-tú合t?咱此時ê欠缺。屬台灣ê教會有ch?-ch?人家己猶未會曉看聖經。Hiah-ê人ài beh加添進步tek-khak著大tùi重安息日ê法度;因為人無來禮拜thái-thó會受教示,無ta?uh-ta?uh來聽道理thái-thó會成上帝真好ê旨意?我phah算有koh一句話著講,就是阮牧師今年四界sûn,有聽見逐所在ê教會有人無甚麼熱心來守上帝第四誡。禮拜日有的出來聽道理一晡n?-ti??,有ê罕罕tit來,也有兄弟t?主ê日攏是掛慮計謀in做工ê代誌。此號款tek-khak b?做得,所以咱下晡來議論tio?h想此兩項:──
1.安息日ê法度是上帝本身設,h??咱thang歸榮光伊ê尊名。早,耶和華吩咐以色列ê百姓tio?h守安息日;咱ê主猶原是按呢來教示伊ê學生,所以人逐所在照定著ê日期息in ê工專心服事上帝,是趁教會ê頭所命令,也是認上帝是至大、萬物ê主。
2.上帝設安息日m?-n? beh h??咱榮顯伊ê名,也是beh h??咱本身得著利益。兄弟m?-thang phah算這個安息日是beh苦楚in,kan-ta阻擋in無做工,無大大歡喜;親像世俗人,咱若請in來禮拜,in常常講,無閒。咱著h??兄弟知設這個法度實在是beh好款待in,h?? in會得著福氣。所以應該著用安息日ê道理拆明h?? in家己明白,m?-thang kan-ta責備in,嫌in做彼號,擋in做此號。著h?? in知,看著用甚麼法度才會得著安息日齊全ê利益,m?-n?來禮拜堂禮拜,t? in兜早暗親像éng日;就著教in kui日來守,猶未禮拜ê時,以及禮拜soah,看tio?h怎樣做才有利益。今請恁大家來議論。
黃深河講:──
論這個安息日我看ch?-ch?人去犯著。做生理ê人講b?離tit;有時店雖然關teh,猶原暗靜teh作生理。頂年ê大會有議論著設安息日ê小學;有所在做成。猶kú teh煩惱無彼個當職ê人thang相幫。Tek-khak著教白話字。埤頭有kóa新來ê人,in ài beh讀冊;人若beh講別mi?h ê話伊就無歡喜。安息日ê路用人是ná久ná bat;起頭lia?h做小可,後來ná知。禮拜日講道理著吩咐兄弟講,後禮拜日teh-beh顛倒問伊看bat á-無,h?? in khah會盡心聽。大會kiám-chhái著出一張單勉勵兄弟khah細j?守安息日。
林主忠講:──
論安息日ê大路用,照「新聞」雜錄第一本,彼裡有講起一項;有一個駛車ê人,本然ta?k日teh駛,tú著一個安息日伊ê馬tú好破病,ko?-put-chiong著歇一日,伊ê同伴作in行;伊到明á載koh起身,koh無l?a久就jiok著in,伊ê馬也khah khòa?活。伊就將án-ni照勻設作法度,m?是因為拜上帝,不過是beh h??人kap精牲khah勇ni?-ti??。守安息日有幾若項ê利益。1.身體停睏ê利益。2.神魂ê利益。3.講究聖經ê利益。
潘明和講:──
論安息日有幾若項ê法度。
1.傳道理ê人著將伊所beh傳ê道理li?ng先講究去深bî,到有滋味;m?-thang攏無講究,到安息日才隨便講;兄弟聽了就無利益。
2.道理若有備辦到深bî,到時當職ê人也著約束囡仔h??伊恬靜,h??兄弟詳細聽。道理雖然便,人若聽無盡也是無路用。
3.兄弟有時無來禮拜,有ê是破病,有ê是冷心。當職ê人著察看某人無來,到禮拜息tio?h去in兜;熱心ê兄弟也thang kap in去。看in若破病就安慰,koh將彼日所聽見ê道理講h?? in聽。看in若是冷心tio?h苦勸in,總是著ûn-á責備,m?-thang趁私欲。(頁28~29,待續)