 ◎許隼夫
蘭嶼古早稱做紅頭嶼，島上除了少數對台灣來chia做生理ê平地人以外，主要人口是達悟族ê原住民，分別住t? 6個部落。達悟族人有真ch?慶祝節期，但是並無特別ê民間宗教觀念。In ê人生觀只有顧在世n? ti??，in相信人死後會去到另外一個世界，總是無親像平地人相款koh再祭拜過往ê人。
蘭嶼島民約略有一半是基督徒，島上有6間長老教會，另外koh有天主教會、神召會kap真耶穌教會。因為達悟族人真少有民間宗教ê迷信，蘭嶼ê教會kap基督徒ê共同使命，就是保護蘭嶼成作一個「基督之島」。
蘭嶼島有5個大山洞，是真濟遊客kap山羊愛去ê所在。早前，來蘭嶼做生理ê平地人，曾（bat）t?山洞內ê洞壁頂面畫in ê神像或是排設神位，後來攏h??信主ê達悟族人清除掉。天主教會kap長老教會將2個山洞改造，成做靈修會場，h??會友做靈修祈禱ê路用。
T?環島公路邊，唯一ê土地公廟已經破破爛爛，無koh teh使用了。它有一個真特別ê故事：
真久以前，t?這個破廟附近ê公路上有發生過一個車禍意外，有人當場喪生。對hit時起，過路ê人攏會驚惶、心內無平安。有一個對台灣來ê生理人就捐錢，t? hit ê所在起造一間土地公廟，以為安呢會當保護路過ê旅客kap車輛平安。總是，本地ê原住民非常無歡喜，就有人利用一個暗暝，將土地公廟ê柱子弄phái? kòng掉，koh將土地公ê佛身tàn入去海中。
第2日早起，有人發現土地公廟受弄歹，消息真緊就傳出去了。大家跑去看，看著廟柱h??人摃斷去，佛身m?無去啊。
看著這種情形，大家就互相問講：「是甚麼人敢來破壞神明ê廟？是甚麼人偷提土地公ê佛身？」也有人問講：「土地公袂（b?）曉保護伊家己，伊thái會曉保護別人呢？」嘛有人講：「做這種事ê人一定不得好死ê！」
過無外久，有人t?海邊找著已經受海湧沖歹去ê佛身，in家己teh問講：「咱ê土地公thái袂曉游泳呢？」
後來，罵人「不得好死」ê人，自己顛倒先過身；另外一個起廟ê人，嘛中風破病。對彼件代誌了後，這間土地公廟就無人koh去拜拜，後來就荒廢ah。
雖然破壞人ê廟m?對，但是這間荒廢ê土地公廟，嘛見證達悟族人護教ê精神。
