◎陳士彰
進入21世紀以來，人類ê生活環境，是愈來愈惡化。根據自然環境ê科學家研究，過去百外年來，地球ê溫度差不多提升0.6度；海洋ê溫度也提升將近0.75度。自然環境用此款速度leh暖化，科學家預言，100年後，海水的確會向陸地退後50米，到時人類生活ê環境，會koh倒退lu到冰河ê時代。
地球暖化有足濟原因，不二過，上主要ê原因，就是人類為著求進步、享受koh較方便、富裕ê生活，致到對大自然無限度ê開發、破壞kap污染。上路尾，的確會引起自然界對人類無情ê災害；透大風、落大雨、降大雪、極寒、極熱等等，是氣象kap科學家所無法度預測ê。
地球暖化結果是無一所在會通避免ê。400年前，葡萄牙ê船員經過烏水溝，遠遠看著台灣此塊美麗ê島嶼，大聲喝講：「Ilha Formosa（美麗島）！」總是今仔日咱斟酌給（k?）看此塊土地，敢有影猶是正港ê「福爾摩沙」？
約略30年前，我bat toà t?下港一個叫做「新港東」ê小庄跤。彼所在ê百姓，90%以上lóng是作穡人，田園1年種作2期ê稻仔，另外1期休耕，抑是種別款菜蔬，h??我體驗著農村ê生活是put-lihá艱苦。
稻仔種作ê期間，上驚去tú著做風颱。風雨給稻仔掃倒t?水裡，無偌久tú欲收成ê粟仔穗，逐粒lóng k?你發穎。隔轉工，做穡人看著，真正是欲哭無目屎，此期種作所付出ê勞苦kap精神，lóng變成烏有去囉！所以俗語講：「稻仔驚風颱。」
大自然所引起ê災難，並m?是只有風颱大水n?-ti??；受害者嘛m?是干單作穡人。舊年日本大地動，順紲（ià）帶來海漲，山崩地裂、物質ê破壞、生命ê死失等等，lóng h??人心理上無限ê不安驚惶。猶有核子電廠ê損害，輻射外洩所引起ê災難，恐驚超過地動kap海漲所帶來ê損失。
科學家證明大自然ê災難，是因為人類對地球ê破壞、污染所造成ê。換一句話來講，也就是人無好好疼惜、管理所khi?起ê土地。
起初上帝創造人類，就賜人權柄講：「tio?h治理&hellip&hellip地上一切所振動ê活物。」（創世記1章28節）總是今仔日咱斟酌k?想，大自然所帶來愈來愈嚴重ê災難，以及環境所受ê破壞kap污染，點點滴滴豈m?是人類家己所造成ê。
M若地球環境是按呢，咱koh對另外一個角度來看，人類社會嚴重ê病症，嘛是愈來愈嚴重。錯誤ê價值觀念、濫糝ê性關係、人心ê惡毒奸詐等等，無有一項m?是leh破壞人kap人、夫妻、親子之間ê關係。
永過保守ê社會，有俗語按呢講：「阿娘仔有身驚人知。」表明未成年ê查某囡仔，猶b?出嫁就有身，是足見羞ê代誌。不二過，咱看今仔日ê社會，對性ê濫糝kap複雜，已經證明社會嚴重ê病態。
根據一份調查ê資料，統計出51% ê人，t?婚前有性關係ê經驗。其中有4成是t? 17歲進前就發生。此款驚人ê數字，h??咱了解混亂ê關係並m?是無原因ê。表明人m?若b?曉管理土地，嘛b?曉管理社會kap家庭。
當世間人為著家己ê進步、發展leh驕傲ê時，看著土地受著污染破壞；社會kap家庭ê濫糝混亂，致到引起地球、社會濟濟ê災難，這豈m?是足諷刺ê代誌。
此塊土地kap人類ê社會，已經破病足久啦！不二過，聖經k?咱應允，人類若願意「回心轉意，我就給in醫治。」（參閱馬太福音13章15節）這是自人類犯罪以來，唯一得救ê一條路。
