◎江澄樹
成功大學台灣語文測驗中心主任蔣為文教授,t?網路發見1?uì哥斯大黎加嫁來南投鹿谷ê台灣新婦,就透過朋友ê紹介欲來去訪問伊。
台語siah-siah叫ê台灣新婦
這?台灣新婦叫梅麗莎,嫁來台灣10幾冬,台語講kah siah-siah叫,不但會k? in翁鬥做茶,koh會開店做生理,人客有本地人kap外地人,甚至有外國人客。阮欲請教梅麗莎是按怎學台語ê,欲成作本中心chhui-sak台語ê參考。
因為我toà台中,對南投khah熟,chiah委託我排1?kho?h-suh。我tio?h發揮我數10年來台灣走透透ê經驗,大膽建議:3月16早起9點uì台南出發,直接上鹿谷溪頭,大約11點半到,中晝頓簡單食,就會當t?溪頭遊山玩水,先去神木,chiah到天空走廊,最後大學池,大約下晡3、4點出來。Soà-lo?h到921以後重建ê內湖國小參觀。下晡5點到鹿谷遊麒麟潭,接soà準備暗頓食好料ê。暗時tiàm台灣新婦hia做訪問、開講。17日透早起床,遊茶園,吸收天地日月精華。食早頓煞,直接往竹山天梯,無ài挑戰天梯ê人,附近有1?大鞍竹海嘛真?。
T?我欲出發前接著中心電話,講in欲直接去梅麗莎in兜。當我到位ê時,蔣教授已經開始訪問錄音kap錄影ah,我驚k? in phah斷,t? t?外口等in到1?khám-ch?m,chiah入去開講。
Kap梅麗莎開講,真正佩服伊講ê台語,一點仔t?無變調b?順ê問題,變調是學台語ê人上困難ê所在。梅麗莎k?伊學台語ê經驗kap阮分享,伊講欲學會好,第一,ài肯學,m?驚講m?-tio?h;伊講伊來台灣ê前3年,無想欲學台語,後來發現有真濟無方便ê所在,所以,uì第4年開始,決定欲好好仔學台語。Kan-na用1年niâ,t?講kah像chit-má按呢a。Koh來t?是環境,鹿谷這?所在講台語ê人真濟,隨時攏聽會著台語,嘛會當kap人講台語,只要肯講,自然t?會進步。
景色美麗ê竹山天梯
暗頓阮去梅麗莎紹介ê餐廳食飯,就t?麒麟潭附近ê茶園邊仔,會當看著下面ê麒麟潭kap對面ê凍頂山,連倒pêng遠遠ê鳳凰山嘛看會著,四邊山、中央潭、景色?,h??人心情齊輕鬆起來。T?竹仔做ê涼亭仔內食飯,感覺特別好食。食飽koh t?曠闊ê草埔仔頂散步、開講,涼風吹來,h??人清爽koh雅意。Chia雖然m?是真內山,不過天星猶是比市內加足光ê,真久無像按呢欣賞天星,有一種講b?出ê歡喜。
食飽,t?g-lâi到梅麗莎in兜,換梅麗莎in翁泡茶請阮。Soà-lo?h換我教梅麗莎學台語羅馬字,因為有人送1本白話字聖經h??梅麗莎,伊想欲家己讀。蔣教授想欲了解梅麗莎為甚麼台語學hiah緊,所以嘛全程錄影、測試。結局,學習台語ê聲母、韻母kap聲調,連學koà練習,用點外鐘ê時間niâ,梅麗莎t?會曉讀短句ê白話字聖經。Uì chia t?會當證明,會曉台語ê人,欲學台語羅馬字(白話字),只要開點外鐘ê時間,t?會當像梅麗莎按呢。
彼暗阮tio?h toà梅麗莎in兜ê民宿。天光,我仝款真早起來,喙面洗洗leh,家己去外口茶園散步,順soà做一下仔體操。早頓食飽,t?欲kap梅麗莎in翁仔某講再會lo?h,阮t?直接往竹山ê天梯出發。沿路駛沿路欣賞2 pêng美麗ê景色,來到沿路上懸ê所在,阮落來chhun跤出手活動一下,嘛順soà看chia ê景緻,chia有真?ê茶園kap竹仔園,koh會當遠遠看uì濁水溪h?m清水溪相kap ê所在,chiah-nih?ê風景,會當siau-tháu長期t?市內ê鬱卒。倚11點半到天梯ê入口停車場,人無真濟,可能是chit-má ài拍門票、收錢ê關係。
行天梯步道是先落崎chiah peh崎,所以有1句gia?t仔話:「下山笑咪咪,上山苦噓噓。」Ta?開始逐家攏有講有笑,回頭tio?h知苦。T?台灣語文測驗中心,逐家每工為台語teh拍拚,罕得有機會出來chhit-thô,這擺真正會當做台語運動掛peh山運動,嘛算是「一兼二顧,摸lâ-á兼洗褲」,因為欲拚台語,嘛ài有勇健ê身體。