──故黃聲宏醫師對咱ê啟發
◎陳柏壽
 
對New York參加聰美姊紀念基金會主席黃聲宏醫師ê葬式轉來以後,心情真沉重,怨嘆這世間好人hiah-n?緊就回歸天家,怨嘆生命ê無常。雖然知影上帝用伊ê自由kap伊ê意志teh統管這世間,但是這擺我猶原感覺怨嘆。
黃醫師平常無啥愛講話,雖然伊ê老爸黃理鰲醫師k?伊號做「聲宏」,伊講話卻真細聲。20幾年前認識伊以後,伊就是一位良師益友,時時指導、鼓勵、安慰我。20幾年前,我為伊ê老爸做無教會主義形式ê葬式以後,無想到今仔日t?同這間「?鄉台灣教會」,kap兄姊做伙欲送伊轉去,心內非常m? 甘。
黃醫師ê大姊是黃聰美醫師,嫁h??日本醫師伊籐邦幸,倆人結婚以後,就sio-chh?a去尼泊爾ê山內,為散赤人做日本基督教團海外醫療傳道ê事工,做20外冬,生6個囝。轉去日本以後,聰美姊每個月為台灣獨立聯盟發行ê《台灣青年》奉獻3萬圓日票將近20冬,攏無出伊ê名。為著記念這種恬恬無私奉獻ê台灣女性精神,阮設立「聰美姊紀念基金會」,用眾人奉獻ê錢來發行《台文通訊》,目前這個網站(www.chhongbi.org)欲將過去500幾本唯一存t?世間ê《台灣青年》雜誌灌入去網站,欲將chiah-ê豐富ê台灣人ê精神資產,留落去、流傳落去,h??咱經過chiah-ê資料,得著新ê啟發,奮起台灣人獨立運動ê意志kap行動。黃聲宏醫師一直是基金會ê主席。
注目看上帝 真正ê以色列人
起頭主耶穌teh招學生ê時,看著拿但業khi? t?樹仔腳teh偷看伊,耶穌叫伊出來。伊問耶穌,你怎樣識我?耶穌講:「你khi? t?無花果樹腳ê時,我已經看著你啦!」「看啊!這個人就是真正ê以色列人!因為伊ê心內無詭詐。」(約翰福音1章43~51節)
耶穌講ê「以色列人」m? 是指通常ê猶太人,猶太人對雅各開始就含有詭詐ê成分。耶穌講ê「以色列人」是講「Ish-roeh-el」,就是講「目睭看著上帝ê人」ê意思。所有目睭會當看著上帝ê人,攏thang叫做「以色列」。黃聲宏醫師就是一位「真正ê以色列人」。黃醫師靜靜khi? t?無花果這欉生命樹ê下面看耶穌,就h??主認著伊是一位心靈謙卑、清氣、安靜ê上帝ê囝。黃醫師真正是一位心靈ê目睭看會著上帝ê人。不但按呢,耶穌講伊ê目睭會看著天開,看著天使t?天梯起起落落。
咱ê目睭豈有法度看著天門開開,看著天使t?天頂地面起起落落?我想有可能。我想咱m? 免等到肉體離開這世間,就有法度看著上帝ê天梯kap靈魂世界ê天使。人ê構造分3部分:頂面ê靈,是創世以來直接kap上帝牽做伙ê部分,就是咱台灣人所講ê「舉頭三尺有神明」仝款意思;第2部分叫做魂,伊包括思想、感情kap意志;第3部分就是咱看會著、摸會著ê肉體。人tú著死ê攻擊以後,伊ê靈直接轉去上帝hia,伊ê肉體回歸地面ê大自然,但是伊ê魂並無hiah-n?簡單就結束。
咱人ê思想、感情kap意志,是人存在第一明顯ê所在。伊一世人ê心願、愛情、記憶、思想、抱負,攏親像一台咱厝內ê電腦,這台電腦是上帝電腦總部ê末端機,咱一生所講過ê話、所想過ê代誌、所做過ê行為,所有幼年ê經驗,所有孩童時代看過ê草花kap田野,所有ê歡喜kap目屎,所有ê悲哀kap熱情kap希望,一點一滴,甚至咱家己已經b?記tit ê代誌,嘛攏存t?這台末端機內面。上帝ê電腦總機就親像美國國家ê電腦總部,是國家整個ê頭腦。國家電腦總部若是故障,咱t?銀行chhun偌濟錢,「phah!」一聲攏會消失,國家ê重要資訊、軍事機密,「phah!」一聲,攏會失蹤。但是,咱一生ê記錄,t?上帝ê電腦內,永遠b?失蹤,上帝會k?咱記tiâu-tiâu、記kah清清楚楚。Chiah-ê資料就是咱靈魂ê DNA,kh?g t?上帝「魂」ê寶庫內面。Chiah-ê DNA會經過咱肉體ê後代傳落去,嘛會經過魂ê作用,繼續影響咱地面ê社會,繼續t?環境世界中存在,繼續擴散,繼續執守t?世間。
台 灣 獨 立 未完成ê心願
黃醫師猶未完成ê意志kap心願,上重要ê部分就是「台灣獨立」。「台灣獨立」是黃醫師真重要ê魂ê組成因素ê一部分。以前這個部分t?伊ê頭殼內面時時有掛慮、有衝擊、有鬥爭,chit-má m? 免啦,這部分ê魂已經得著解放啦,m? 免koh經過人ê肉體ê頭腦ê束縛啦,已經飛到天頂啦,已經得著自由啦!伊這部分ê「魂」,因為無koh受著肉體ê阻擋,顛倒變做koh-khah完美,koh-khah直接,koh-khah活動,koh-khah有影響力,有完全ê自由。
肉體ê頭腦將伊ê台獨思想反映出來ê,不過親像一個「鏡」,不過是一個「形而上」ê受動ê「 觀念」ni?-ti??。但是這?思想,進入「 魂」ê世界以後,會變做一個實存ê存在。混沌ê思想、抽象ê觀念,會變做清楚、實在ê體,存在t?上帝ê世界內面。人ê肉體雖然變老,雖然破病變歹看,但是進入死亡ê門以後,伊ê靈魂會變真súi。死是h??靈魂變做美麗ê過程,死是靈魂淨化ê過程。每人去到彼個世界,攏會變做真súi ê人格,變做真完全、真成熟、真理想ê人格ê存在。彼種美麗m? 是肉體狀態有法度表現ê美麗,世間一切ê矛盾對立,t?彼所在攏得著統一;但是伊ê人格ê思想、感情、意志ê特質,t?彼所在猶原無改變,不過是受純化。
T?上帝ê世界內面ê「台獨」思想,不但是黃醫師ê思想、感情、意志ê「魂」ê綜合ê實存,koh-khah是一種非常淨化、美麗ê魂ê目標kap動力。這個實存ê魂是超越陳腐ê語言,無受肉體kap物質ê拘束,超越現實世界ê禮儀、衝突kap鬥爭,超越朋友kap敵人ê分野。這種意識ê魂已經升到最高ê位階,是能動ê、絕對自由ê、絕對歸依t?上帝ê世界ê存在。伊已經m? 是觀念ê幻影,m? 是空想。伊是純全ê靈魂ê一部分。伊m? 免koh喉叫,m? 免大聲,m? 免怨嘆,m? 免koh為著《台灣青年》ê入網煩惱,m? 免koh為著台灣母語ê流失心慒(cho),m? 免koh再kap國民黨ê法統、正統、教條ko-ko-tî?。因為伊ê靈魂活t?完全純情ê世界,活t?太陽ê光輝ê內面。這是我對黃聲宏醫師ê過身所得著ê啟發。