【台文世界】囝仔寫文

Books vector created by pikisuperstar - www.freepik.com

Chhiáⁿ an-chong NunitoPOJ jī-hêng, phòe-ha̍p Firefox Browser lâi tha̍k.
請安裝NunitoPOJ字型,配合Firefox瀏覽器來讀

高雄福誠國小學生作品
指導: O͘-bah lāu-su

我上愛食ê kóe-chí

◉Cho͘ Phài-kun

市面leh 賣ê kóe-chí有kài濟款,我上愛chia̍h ê是蘋果,伊ê kóe-chí肉黃黃,咬落去是脆脆脆,汁慢慢仔流出來,彼酸甜ê氣味,hō͘人真滿足,tiāⁿ-tiāⁿ chi̍t chhùi koh chi̍t chhùi,chi̍t ē無注意,就全部chia̍h liáu ah,實在是真好chia̍h!

有時,我會kā蘋果切chò chi̍t phìⁿ chi̍t phìⁿ,有時會對半切,koh kā chìm tī kiâm-chúi lāi-té,較bē生鉎!
蘋果足營養,有真濟維他命,會hō͘身體koh較健康,相信有真濟人mā kap我仝款,chiâⁿ愛chia̍h蘋果,今仔日ám-tǹg ê kóe-chí拄好是蘋果,我欲kā蘋果講一句話:蘋果,你上讚啦!

Góa ê thióng-bu̍t

◉Siau Jû-phài

Goán tau chhī kúi-nā chiah thò͘-á, káu-á, in chiok kó͘-chui mā chiok koai. Ta̍k ji̍t góa ùi ha̍k-hāu tńg–lâi ê sî, in tio̍h ē kóaⁿ-kín cháu kòe–lâi góa ê piⁿ–á, káⁿ-ná leh kā góa kóng in chiok hoaⁿ-hí–ê, chin kám-siā lín pôe-phōaⁿ–góa, hō͘ góa ē-sái hoaⁿ-hoaⁿ hí-hí kòe múi chi̍t kang.

Góa kah in lóng ē chò-hóe sńg bih-sio-chhōe, in ē bih–khí-lâi, tán góa chhōe tio̍h in ê sî, in ē thiàu khí–lâi, chiok hó-sńg–ê. Goán tau ê lâng lóng chiok kah-ì in, góa bē hiō-hóe tong-chho͘ kā in chhōa tńg-lâi chhī, in-ūi in ē tī góa bô-liâu ê sî-chūn pôe–góa, kah góa chò-hóe sńg, góa kám-kak in hō͘ góa ê khoài-lo̍k sī pa̍t-lâng bô-hoat-tō͘ hō͘ góa–ê.

Ián-gē liān-si̍p-seng

◉Koeh Chhian-chhian

Góa sī chi̍t ê chhiùⁿ-koa kah thiàu-bú ê liān-si̍p-seng, chit-má tha̍k kok-sió la̍k-nî ah, góa ê hioh-khùn-ji̍t lóng sī tī ián-gē kong-si siōng-khò, liān-si̍p thiàu-bú, chhiùⁿ-koa, tôaⁿ gì-tah……Koh ū chin chē kah piáu-ián iú koan ê châi-gē, kā-kī chai-iáⁿ chit tiâu lō͘ ē chiâⁿ sin-khó͘, m̄-koh che sī góa ê bāng-sióng.

Liān-si̍p ê kòe-thêng m̄ sī lóng hiah-nī sūn-lī, ū-tang-sî-á bú-pō͘ ē ta̍h m̄-tio̍h, lāu-su tio̍h ē mē–lâng, m̄-koh góa ē koh khah kut-la̍t liān-si̍p, hō͘ i bô thang koh mē góa–ah .

Góa chai-iáⁿ chit ê kòe-têng ē chiok thòng-khó͘, m̄-koh góa it-tēng beh piàⁿ-sì oân-sêng góa ê bāng-sióng.

Góa siōng ài ê tōng-bu̍t

◉Gân Lêng-hūi

A-pah, a-bú chhōa góa khì tōng-bu̍t-hn̂g sńg, góa ū kàu hoaⁿ-hí. Khì kàu hia, góa khòaⁿ tio̍h chin chē tōng-bu̍t, ū gû-á, sai, thò͘-á koh ū iûⁿ-á.

Góa siōng kah-ì ê tōng-bu̍t sī thò͘-á, in-ūi thò͘-á ê ba̍k-chiu tōa-tōa-lúi, hīⁿ-á tn̂g-tn̂g, góa siōng kah-ì hit chiah pe̍h-sek–ê, i leh khùn ê sî-chūn chin kó͘-chui, ē kā chhiú khǹg tī ē-hâi kha, sin-khu khòaⁿ–khí-lâi tō chhin-chhiūⁿ mî-si-thn̂g kâng-khoán. Khòaⁿ-tio̍h i, góa tō ē siūⁿ-tio̍h goán pêng-iú in tau mā ū chhī chi̍t chiah, i sī chia̍h ta-chháu kah chhī-liāu, leh khùn ê sî-chūn sī chi̍t-lúi ba̍k-chiu thí kim, chi̍t-lúi ba̍k-chiu kheh-kheh, si̍t-chāi chin chhù-bī .

Uber Eat

◉Lí Io̍k-hoân

Chòe-kīn hoat-hiān a-bú káⁿ-ná chin kah-ì Uber Eat, piān-nā beh chia̍h àm-tǹg chìn-chêng, a-bú choa̍t-tùi ē kóng: “Kiò Uber Eat lah !” Ū-iáⁿ neh, gōa-sàng chin lī-piān, mā m̄-bián tī chhù lāi it-ti̍t chú-chia̍h bú kui-po͘.

Góa it-ti̍t teh siūⁿ, sī án-choáⁿ a-bú tiāⁿ-tio̍h beh kiò Uber Eat, m̄ kiò Foodpanda? Foodpanda tī Tâi-oân sú-iōng-lu̍t ū 79.6% neh! Góa sûi khì Google chhâ siong-koan chu-liāu, chiah hoat-hiān Uber Eat kah Foodpanda ê chha-pia̍t. Tē-it, i ūn-hùi pí Foodpanda khah sio̍k; tē-jī, i sàng-chhan khah chún-sî; tē-saⁿ, i ê kài-bīn khah hó-iōng; tē-sì, ho̍k-bū khah jîn-sèng-hòa. Góa siūⁿ che tio̍h-sī a-bú soán-te̍k Uber Eat ê goân-in lah.

廣告/手到心至抄寫本-箴言

我有話要說