◎高英男
百姓歪斜拜巴力,
得罪上帝受迷惑。
上帝教示予仇讎,
興起士師施拯救。
伯利恆人以比讚,
名聲人品一度讚。
上帝設立做士師,
猶大東北有次序。
擔任聖職七冬久,
倚靠恩手賜豐富。
服事家庭無含糊,
序細婚姻受祝福。
士師內面的C咖,
按家治國是贏家。
腳跡記事無真齊,
名佇天裡來趒跳。
小小士師以比讚,
盡職阿爸受稱讚。
Peh-sìⁿ oai-chhoa̍h pài Pa-le̍k ,
Tit-chōe Siōng-tè siū bê-he̍k .
Siōng-tè kà-sī hō͘ kiû-siû ,
Heng-khí Sū-su si chéng-kiù .
Pek-lī-hêng lâng Í-pí-chàn ,
Miâ-siaⁿ jîn-phín it-tó͘-chán .
Siōng-tè siat-li̍p chòe Sū-su ,
Iû-tāi tang-pak ū chhù-sū .
Tam-jīm sèng-chit 7-tang kú ,
Óa-khò un-chhiú sù hong-hù .
Ho̍k-sāi ka-têng bô hâm-hô͘ ,
Sī-sè hun-in siū chiok-hok .
Sū-su lāi-bīn ê C-kha ,
Hōaⁿ-ke tī-kok sī iâⁿ-ka .
Kha-jiah kì-sū bô chin-chiâu ,
Miâ tī thiⁿ–ni̍h lâi tiô-thiàu .
Sió-sió Sū-su Í-pí-chàn ,
Chīn-chit A-pa siū chheng-chàn .