◎李南衡
那 teh 褪色 ê【台灣俗語話】
 
有人講:人運氣若衰bái,歹代會一項接一項來。咱先民若tú-tio?h chit款情形就會怨歎講:「人若衰,種匏仔生菜瓜。」(Lâng n? soe, chèng pû-á se? chhài-koe.)因為早前就算講m?是農家種田ê人,m?會利用厝前厝後ê曠地仔,種一寡菜蔬水果,á是花欉草疕(phí),所以講啥物菜蔬果子名lóng真清楚,chit句俗語話講出來,咱先民逐個都聽有。Chit句俗語話是講,人若當teh衰,啥物不如意ê代誌都有可能發生,連種匏仔chiah簡單ê代誌都有可能發生意外,生出菜瓜!那會講chit兩項菜蔬名neh?真有可能衰(soe)kah瓜(koe)兩字ê韻母lóng是「oe」,押韻唸起來khah好唸、khah好聽、m? khah好記,che會使講是謎猜、歌仔、童謠、唸謠、俗語話等台灣民間文學ê一大特色。M?真可能ta?-á有chit句俗語話hit當時,匏仔khah貴、菜瓜khah無價。講chit句俗語話teh講伊衰運,用意m?是teh講伊種啥生啥。
頂日我講:「人若衰,種匏仔生菜瓜。」我ê朋友聽tio?h隨問我講:「你敢知影chit-má匏仔1斤17箍、菜瓜1斤35?種匏仔生菜瓜顛倒有1倍ê價數,chiah好ê代誌,是按怎講是衰咧?」歹勢,我食菜m?知菜價,大嘴開開b?曉應。
何況,一個人tú-tio?h歹運,á是不如意ê代誌連續來,並m?是怨歎「人若衰,種匏仔生菜瓜」就會煞,正面ê作法是:beh按怎看待、beh按怎面對歹運。
高俊明牧師娘高李麗珍女士口述實錄《見證時代的恩典足跡》新冊發表會ê前一禮拜,我t?台北「綠色和平廣播電台」(FM97.3)主持ê節目中訪問高牧師kah牧師娘。高牧師講伊因為涉嫌偷藏「美麗島事件」要犯施明德,1980年4月24暗h??警備總部掠去關t?新店軍事監獄。有一暝伊想起hit工是in結婚24週年紀念日,外面落雨,感覺koh-khah心酸。伊知影牧師娘因為膽結石beh開刀,hit暗應該是倒t?馬偕病院病床頂。高牧師kah牧師娘講,in實在感謝主。In並無認為按呢是「人若衰,種匏仔生菜瓜。」In結婚ê時,高牧師t?玉山神學院教冊、而後作院長,後來hông選作總會副議長,議長謝緯牧師過身了後代理議長,koh擔任總幹事20年久,一直無牧會,也就無直接傳道ê機會。因為高牧師坐監,顛倒才有機會向關做伙ê人傳福音;牧師娘本人m?因為按呢會tàng向政治受難者家屬傳福音,甚至行出家庭行向社會、行向國際,做koh-khah濟koh-khah大ê事工。
按呢你就知影,種匏仔生菜瓜,無tú-tú是「衰」,而且若k?「衰」看作「危機」,「危機」真有可能就是「轉機」。Chit句俗語話有可能愈來愈少人講,致到無人會koh講,甚至有人講m?真少人聽有啊!