◎蔡澄甫
頂日仔,參阮松年團契ê兄姊同齊做賞櫻一日遊,到陽明山公園、三芝區活動中心以及雙連安養院踅(se?h)踅leh,天氣無好,sa?p-sa?p-á雨,落落停停,bo?當親像好天時hiah-nih舒適(sù-s?)活潑。遊覽車內有人唱歌、有人開講、有人補眠。最後完成平安、清閑、順利kap喜樂ê一日遊。
T?雨中ê遊覽車內,想起gín-á時ê落雨天bo?當出門thit-thô無奈ê情境,我ê外媽(go?-má)bat教阮唸歌謠〈水蛙跋落深古井〉(chúi-koe poa?h-loh chhim kó?-chí?)。雖然伊bo?當解釋講啥事水蛙會跋落深古井?伊嘛講m?-bat看著井水會溢出來,m?-kú伊ê內心好親像teh講,mài厭惡(iàm-ò??)落雨天,加落寡雨,做好事h??水蛙有跳脫古井ê機會。
當時外媽用伊100 pha(100%)ê鹿港腔配合溫柔ê聲調來唸,這時回想起來,真正是「音容宛在」,甘甜t?心頭。
唸謠是按呢唸:
水蛙跋落深古井,
目珠金金看上天;
向望大雨緊滿溢,
水蛙欲來出頭天。
對此節(chit-chat)唸謠我所知有限,作者、史地背景kap普及地域我lóng m?知。橫直遊覽車khûn(盤繞)著罩霧ê山路,無乜大(bô mih-t?i)做,我就將唸謠用「吟詩調」配譜,家己做藝量(g?-ni?),嘛算講是此擺雨中賞花旅遊ê紀念品,kap大家分享,請指教。
敢採有人欲講,這是真幼稚無水準ê唸謠,水蛙哪有可能跋落古井leh?古井水哪會溢出來咧?m?-kú想著可憐愚蠢m?知家己前途ê憨水蛙,咱替伊傷心。
幼稚歸幼稚,咱若深層思考,那像嘛有淡薄ê哲理。1.俗語講:「河水不犯井水」,水蛙生湠kap生活t?田溝濕地,若m?是h??人刻意設計欺瞞tàn落古井,絕對無「坐井觀天」ê可能;2.講井水會滿溢,不過是騙人ê慰詞;3.有智慧ê先民親像警告台灣後代子孫,有一工咱會h??人設局拐誘瞞騙,當作水蛙tàn落古井自絕美麗ê前途。彼時,就m?是幼稚無聊ê唸謠囉!
唸謠原詞尾句是「水蛙才會出頭天」,因為「天」t?韻腳出現兩擺,就用「慶團圓」做結束。我teh想:水蛙對井中跳出來ê時,m?-n?吸一氣自由ê空氣就夠額,伊一定要緊欲趕緊倒轉伊ê原鄉kap族群親友慶祝團圓chiah tio?h。 (作者為七星中會中崙教會退休長老)